Navukoŭcy nazvali samyja raspaŭsiudžanyja zachvorvańni na rak u krainie
Letaś ad raku ŭ Biełarusi pamierli 17 tysiač čałaviek.
Kala 17 tysiač ankapacyjentaŭ pamierli ŭ 2023 hodzie ŭ Biełarusi, takija danyja pryvioŭ namieśnik dyrektara pa navukovaj rabocie RNPC ankałohii i miedycynskaj radyjałohii, akademik NAN Siarhiej Krasny, piša «Sputnik».
Anałahičnaja statystyka nazirałasia i ŭ 2022 hodzie.
«Padčas pandemii COVID-19 źnižeńnie śmiarotnaści było na 6% u hod. Ciapier hetaja ličba stabilizavałasia, ale my možam prahnazavać nievialikaje pavieličeńnie śmiarotnaści», — zajaviŭ jon na pres-kanfierencyi ŭ aŭtorak.
Kali kazać pra strukturu zachvorvańnia, pieršaje miesca ŭ mužčyn zajmaje rak pradstalovaj załozy. Dalej pa raspaŭsiudžanaści iduć rak lohkaha i rak toŭstaj kiški.
U žančyn čaściej za ŭsio vyjaŭlajecca rak małočnaj załozy, na druhim miescy — rak toŭstaj kiški, na trecim — roznyja puchliny hiniekałahičnaj śfiery.
«Ale kali padsumavać ankałahičnyja zachvorvańni mužčyn i žančyn, to na pieršaje miesca vychodzić kałarektalny rak (toŭstaj kiški). Źviazana heta z asablivaściami charčavańnia biełarusaŭ — u nas nie pryniata šmat jeści harodniny i sadaviny», — rastłumačyŭ S. Krasny.
Pa słovach navukoŭca, žychary krainy čaściej u jakaści harodniny vykarystoŭvajuć bulbu, ad jakoj z pazicyi zdarovaha charčavańnia niama karyści, pakolki jana ŭtrymlivaje ŭ sabie vialikuju kolkaść kruchmału.
«Akramia taho, u biełarusaŭ pryniata jość vielmi šmat miasnych praduktaŭ, u pryvatnaści, čyrvonaha miasa, što taksama moža spryjać raźvićciu puchliny toŭstaj kiški. Taksama siudy varta adnieści małaruchomy ład žyćcia i najaŭnaść takich praduktaŭ, jakija my adnosim da fastfudu», — padkreśliŭ akademik.
U Biełarusi nie vitajecca prafiłaktyčnaja kałonaskapija z vydaleńniem palipaŭ. U raźvitych krainach śvietu hetaja pracedura bolš raspaŭsiudžanaja, «adnak naša nasielnictva nie vielmi prychilnaje».
Pavodle jaho słoŭ, vykanańnie kałonaskapii z vydaleńniem palipaŭ u 80% vypadkaŭ daje harantyju praduchileńnia raku toŭstaj kiški.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary