Jon pa-raniejšamu žvavy i poŭny sił.
Dziter Bolen naradziŭsia 7 lutaha 1954 hoda ŭ horadzie Biernie (Nižniaja Saksonija). Jaho babula była z Kionihśbierha.
U Vikipiedyi pišacca, što Dziter u maładości byŭ členam dazvolenaj Niamieckaj kamunistyčnaj partyi, a potym dałučyŭsia da Sacyjał-demakratyčnaj partyi.
Braŭ udzieł u niekalkich muzyčnych hrupach, pracavaŭ pradziusaram i kampazitaram. U kancy 1970-ch — pačatku 1980-ch Bolen źjaŭlaŭsia ŭdzielnikam dueta Monza i trya Sunda.
U 1983-m stvaryŭ z Tomasam Andersam duet Modern Talking, ź jakim zapisaŭ dvanaccać albomaŭ i dvaccać sinhłaŭ. Bolen pisaŭ muzyku i słovy.
Acenkaj papularnaści dueta i zasłuh Dzitera Bolena słužyć uručeńnie na praciahu adnaho viečara ŭ Viestfalskaj zale Dortmunda (Westfalenhalle) siamidziesiaci piaci załatych i płacinavych dyskaŭ, dla dastaŭki jakich da sceny spatrebiŭsia śpiecyjalny hruzavik.
Usiaho ŭ śviecie było pradadziena bolš za 200 młn hukavych nośbitaŭ z zapisami kampazicyj dueta.
Paśla raspadu Modern Talking u kancy 1987 hoda Bolen stvaryŭ hrupu Blue System, niaźmiennym lidaram jakoj i zastavaŭsia da jaje raspadu ŭ 1998 hodzie. Za čas isnavańnia hurta było vypuščana 13 albomaŭ, 30 sinhłaŭ i źniata 23 videaklipy. Blue System źjaviłasia praktyčna čarhovym sceničnym psieŭdanimam Bolena.
U 1989 hodzie Bolen staŭ samym papularnym zamiežnym vykanaŭcam u SSSR.
Dziter taksama aŭtar muzyki dla mnohich niamieckich filmaŭ, pieradač, šou i telesieryjałaŭ.
Dziter Bolen aktyŭna viadzie svoj instahram, dzie pościć roznyja śmiešnyja štuki.
Kamientary