U biełaruskich kałonijach źniavolenych ścierahuć bieśpiłotniki
«Efiektyŭna vykonvajuć pastaŭlenyja zadačy».
Namieśnik ministra — kamandujučy ŭnutranymi vojskami Mikałaj Karpiankoŭ raskazaŭ, što minuły hod prajšoŭ pad znakam naroščvańnia patencyjału, jaki «dazvalaje efiektyŭna vykanać uskładzienyja zadačy ŭ ahulnaj sistemie nacyjanalnaj biaśpieki».
Jon taksama raskazaŭ, što ŭ kałonijach źniavolenych ścierahuć bieśpiłotniki.
«Zabiaśpiečana nadziejnaja achova papraŭčych kałonij, kanvajavańnie asudžanych i asob, jakija ŭtrymlivajucca pad vartaj. Dla pavyšeńnia jakaści vykanańnia kanvojnych zadač u sistemu achovy kałonij ukaranili bieśpiłotnyja latalnyja aparaty. Pryjarytetnym napramkam było i zastajecca achova pravaparadku i harantavańnie hramadskaj biaśpieki», — raspavioŭ vysoki milicejski načalnik.
Jon taksama dadaŭ, što dla abarony dziaržaŭnaj miažy pryciahvałasia zvyš siami tysiač vajskoŭcaŭ: zatrymana bolš za 40 parušalnikaŭ, vyjaŭlena zvyš 300 niezakonnych mihrantaŭ.
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary