ŽKH-drama ŭ siamji rybaka: ščupaki «pamylisia» na 40 kuboŭ vady
Dramatyčnaja ŽKH-historyja zdaryłasia ŭ rybaka ź Ivacevičaŭ. Toj zasialiŭ na tydzień ščupakoŭ u vannu ŭ kvatery — uvieś hety čas siamja chadziła mycca da susiedziaŭ. A potym žonka pabačyła žyroŭku i žachnułasia ad taho, što rybka atrymałasia załatoj.
Mužčyna, jakoha zavuć Alaksiejem Hulevičam, zajmajecca kładkaj plitki, a ŭ volny ad pracy čas zachaplajecca rybałkaj. Žoncy «rybafana», jak siabie nazyvaje mužčyna, jaho chobi vielmi nie padabajecca.
Za siamiejnaj dramaj naprykancy studzienia ŭ tyktoku nazirała niekalki miljonaŭ čałaviek. Paśla čarhovaj rybałki Alaksiej zasialiŭ u vannu ŭ kvatery troch ščupakoŭ. Kali vy dumajecie, što takoje susiedstva nie ŭzradavała jaho žonku, dyk nie pamylajeciesia. Ščyra kažučy, ryby — heta nie samyja zručnyja kvataranty, bo z-za ich žoncy pryjšłosia prasicca da susiedziaŭ pamycca.
Muž tym časam radavaŭsia, što adzin sa ščupakoŭ vyplunuŭ žyŭca i kolkaść ryby pavialičyłasia. Adnojčy rankam žančyna pračnułasia praz hrukat: vidavočna, ščupaki vyrašyli zładzić niesankcyjanavanuju akcyju pratestu i skinuli ŭ vadu ŭsie šampuni i hieli dla duša. Nie spadabałasia joj pabačyć i čarviakoŭ na dnie vanny, tamu što muž rašyŭ pakarmić hadavancaŭ.
— Źniščyć, inakš ja źnišču ciabie, — papiaredžvała fanata rybałki žonka.
Žonka Alaksieja sprabavała i sarvać čarhovuju rybałku, naliŭšy vady ŭ boty (składana asudžać čałavieka, jakoha vysieliła z ułasnaj vanny ryba).
Na piaty dzień u žančyny pačali zakančvacca niervovyja kletki i jana vysieliła ščupakoŭ z vanny ŭ rybałoŭnuju skryniu — a muža adpraviła spać na kanapu.
— Vy dumali ŭsio? Pakul žonki niama, ja ich uvaskresiŭ, − vychvalajecca rybałoŭ na nastupnym videa. — Nie treba biehać u padvał, mianiać vadu žyŭcam. Zaŭtra na rybałku.
Zrazumieła, što z rybałki Alaksiej prynios novych chvastatych kvatarantaŭ. U jakaści pomsty žonka zapisała videa, na jakim smažyć rybu na patelni.
— Pa ščupakovym zahadzie, pa maim žadańni, ryby ŭ chacie bolš niama, vanna całkam u maim rasparadžeńni.
Na 14 lutaha Alaksiej padaryŭ žoncy apracoŭčuju došku z nadpisam «Žonka rybaka pavinna ŭmieć kapać čarviakoŭ, maŭčać, zachaplacca ŭłovam», što vyzvała jaje ščyraje abureńnie.
— Ty kajfuješ, a ja tabie niešta pavinna. Dyk voś, ja nie ŭmieju kapać, maŭčać, zachaplacca. Ja dziaŭčynka i chaču kvietački.
Kulminacyja kanfliktu nastupiła, kali ŽES razasłaŭ žyroŭki. Akazałasia, što ščupaki «pamylisia» na 40 kuboŭ vady. Dla paraŭnańnia: zvyčajna siamja tracić usiaho 5 kuboŭ.
— Załataja rybka niejkaja atrymlivajecca! — aburajecca žančyna i abiacaje, što paśla pracy muž joj adkaža za kožny kub i dadaje. − Ni ŭ rukach, ni ŭ słoiku, ni ŭ skryni, ni ŭ jakuju ščylinu ŭ našu chatu ryba bolš nie patrapić.
Ahułam za kamunałku siamji treba zapłacić amal 140 rubloŭ.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
Jak heta niekatoryja sac.sietki puskajuć u eter takija materyjały z adrublenymi hałavami? A niekatoryja veb-staronki jašče i pamnažajuć im prahlady!