Žychar Kiraŭska źbiraŭsia «pastavić schavanuju kamieru na vybarčym učastku»
Jaho zatrymali.
Telehram-kanał praŭładnaha ahienctva «Babrujsk miedyja» apublikavaŭ videa z zatrymanym žycharom Kiraŭska, jakoha abvinavačvajuć u suviazi ź inicyjatyvaj «Kaalicyja pratesnych dvaroŭ».
U siužecie infarmacyjnaha ahienctva kažuć, što zatrymanaha zavuć Juryj Avierkaŭ. Jon źjaŭlajecca administrataram «destruktyŭnaha telehram-kanała» Kiraŭska. U roliku zakadravy hołas paviedamlaje, što mužčyna ŭ kanale zaklikaŭ ludziej vychodzić na vulicy i «parušać hramadski paradak». Taksama Avierkaŭ nibyta prajšoŭ rehistracyju ŭ čat-bocie płana «Pieramoha».
Na kamieru mužčyna kaža, što pisaŭ u bot «Pieramohi» kab spytać: ci možna daviarać płanu «Pieramoha».
U siužecie zakadravy hołas dadaje, što ŭ śniežni mužčyna «znoŭ zaznaŭ upłyŭ destruktyŭnych kanałaŭ», u jakich zaklikali iści na vybarčyja ŭčastki, zapomnić adnaho z čalcoŭ kamisii i prasačyć za im padčas viartańnia dadomu. Taksama, pa słovach viadučaj, biełarusaŭ zaklikali stavić na ŭčastkach schavanyja kamiery, kab zafiksavać parušeńni padliku hałasoŭ.
Čym kankretna zajmaŭsia mužčyna, nieviadoma. U roliku vykarystoŭvajuć skrynšoty paviedamleńniaŭ ad inicyjatyvy «Kaalicyi pratesnych dvaroŭ». 20 lutaha abjadnańnie zajaviła, što siłaviki pačali «kampaniju dyskredytacyi i dezinfarmacyi», i prykłali skrynšot z nazvami fejkavych kanałaŭ, piša «Miedyjazona».
U listapadzie KDB pryznaŭ «Kaalicyju pratesnych dvaroŭ» «ekstremisckim farmavańniem». Jaho ŭdzielnikami viedamstva nazvała Dzianisa Baranava i Vitala Ivanova.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary