Donald Tramp pieramahaje na prajmieryz u Paŭdniovaj Karalinie, abyšoŭšy byłuju pradstaŭnicu ŭ AAN i svaju kankurentku ad respublikancaŭ Niki Chejli ŭ jaje rodnym štacie. Jaho adzinaja supiernica — eks-hubiernatar štata Paŭdniovaja Karalina Chejli zajaviła, što nie źbirajecca zdavacca, piša «Hołas Amieryki».
77-hadovy Tramp pieramoh 52-hadovuju Chejli, niahledziačy na ceły šerah kryminalnych abvinavačvańniaŭ suprać jaho i niahledziačy na toje, što Chejli zjaŭlajecca ŭradženkaj Paŭdniovaj Karaliny, jakaja prapracavała dva terminy na hubiernatarskaj pasadzie.
Taki vynik uzmocnić zakliki sajuźnikaŭ Trampa da taho, kab Chejli, apošni supiernik Trampa, jaki zastaŭsia, vyjšła z respublikanskaj honki. Na dadzieny momant Tramp daminavaŭ va ŭsich piaci partyjnych spabornictvach: u Ajovie, Ńju-Hempšyry, Nievadzie, na Virhinskich vyspach ZŠA i zaraz u rodnym štacie Chejli, što pakidaje joj vielmi mała šancaŭ na vyłučeńnie ad Respublikanskaj partyi.
Chejli, jakaja pracavała pasłom u AAN pry prezidencie Trampie, jašče raz zajaviła ŭ subotu ŭviečary, što jana praviadzie pieradvybarčuju kampaniju jak minimum da «supieraŭtorka» 5 sakavika, kali respublikancy ŭ 15 štatach i na adnoj terytoryi ZŠA buduć hałasavać na prajmieryz.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
Tramp abyhraje niedareku Bajdena.