U Vilni źbirajuć zajaŭki ad tych, chto choča addać dziaciej u biełaruskamoŭnyja škoły
Inicyjatyva biełaruskich baćkoŭ u Vilni zaprašaje ŭsich biełaruskich baćkoŭ, jakija chočuć, kab ichnija dzieci vučylisia na biełaruskaj movie, a taksama tych, chto choča padtrymać prajekt adkryćcia novaj škoły, navat kali ciapier jašče nie hatovy ŭ jaje zapisacca, padać adpaviednuju zajaŭku.
Z 1 pa 31 sakavika achvotnym baćkam možna padać zajaŭku na nastupny navučalny hod dla svajho dziciaci ŭ municypalnaj sistemie rehistracyi z paznakaj «Mova — biełaruskaja», «Škoła — himnazija imia F. Skaryny».
Na hetym etapie pieramoŭ z samakiravańniem Vilni dla adkryćcia novych kłasaŭ i škoły sistemie treba bačyć realnuju kolkaść zajavak. Sprava ciapier za baćkami.
Inicyjatyva biełaruskich baćkoŭ, sa svajho boku, za paŭhoda svajho isnavańnia zrabiła nastupnaje:
- sabrała 1000 podpisaŭ za druhuju biełaruskuju škołu ŭ Vilni;
- stvaryła śpis patencyjnych vučniaŭ i nastaŭnikaŭ;
- sustrełasia i pieradała zajaŭku ab adkryćci škoły vice-meru Vilni;
- sustrełasia i viadzie pieramovy ź vice-meram Vilni adnosna dadatkovych paralelaŭ u najaŭnaj biełaruskaj himnazii, biełaruskich hrupaŭ u dziciačym sadku i asobnaha budynka pad škołu;
- sustrełasia z šeraham inšych klučavych palitykaŭ horada Vilni i Vilenskaha rajona, łabirujučy heta pytańnie;
- sustrełasia z administracyjaj škoły imia Skaryny i viadzie pieramovy pa pašyreńni;
- sustrełasia z administracyjami polskich škoł u Vilni adnosna abmienu vopytam;
- skłała i pracuje nad pašyreńniem śpisu volnych pamiaškańniaŭ pad škołu;
- łabiruje zamovu kopij usich novych padručnikaŭ paśla reformy na biełaruskaj movie (dazvolena zakanadaŭstvam) u Ministerstvie aśviety Litvy.
«Biełaruskaja mova jak by na padkorcy». Błohierka aburyłasia, što jaje syna nie vučać rodnaj movie ŭ škole
«Pačaŭ u volny čas dumać pa-biełarusku». Biełarusy, jakija dziesiacihodździami žyvuć u emihracyi, raskazali, jak stracili i adnaŭlali suviaź ź biełaruščynaj
«Rodnaja mova — mova majho rodu i majoj krainy». Ci moža ŭ čałavieka być rodnaj taja mova, na jakoj jon nie razmaŭlaje?
«Chaj chto-niebudź užo narešcie skaža: treba vyvučać biełaruskuju jak zamiežnuju movu»
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary