Akramia hetaha, prezident Arhienciny Chaŭjer Milej płanuje pravieści «samit padtrymki Łacinskaj Amieryki» dla Ukrainy.
Jak piša Financial Times, prezident Chaŭjer Milej pieradaŭ dva vajennyja viertaloty rasijskaj vytvorčaści.
Jak pišuć ukrainskija krynicy, heta viertaloty Mi-171Je, jakija źjaŭlajucca adnoj ź viersij savieckaha Mi-8. Viertaloty byli pieradadzieny Arhiencinie ŭ śniežni 2011 hoda i vykarystoŭvalisia hałoŭnym čynam dla zabieśpiačeńnia arhiencinskich antarktyčnych stancyj i praviadzieńnia pošukova-vyratavalnych rabot.
Viertaloty abstalavanyja mietearałahičnymi radarami i pahruzačnym kranam. Za košt najaŭnaści dadatkovych paliŭnych bakaŭ jany majuć bolšuju dalnaść palotu. Akramia hetaha, mašyna maje madyfikavany stabilizatar i kilavuju belku, što dazvolić bolš efiektyŭna jaje vykarystoŭvać, naprykład, dla evakuacyi paranienych, transpartyroŭki bojekamplekta, desanta ci pieravozki inšych vajennych hruzaŭ. Viertalot moža pieravozić da 24 pasažyraŭ ci da 4 ton hruzaŭ na źniešnich padvieskach.
Jak adznačyŭ Milej, takim žestam jon imkniecca padtrymać Ukrainu. Taksama lidar Arhienciny zajaviŭ, što płanuje pravieści samit padtrymki Łacinskaj Amieryki dla Ukrainy.
Financial Times źviartaje ŭvahu, što ŭ svajoj źniešniaj palitycy Milej addaŭ pryjarytet supracoŭnictvu z krainami, jakija abaraniajuć svabodu. Siarod ich ZŠA, Izrail i Ukraina. Svajoj pazicyjaj adnosna Ukrainy Milej rezka adroźnivajecca ad inšych lidaraŭ rehijonu. Tak, prezidenty Brazilii Łuła da Siłva i Mieksiki Łopies Abrador zaniali bolš niejtralnuju pazicyju.
Nahadajem, što prezident Ukrainy Uładzimir Zialenski lataŭ na inahuracyju Mileja, jaki staŭ novym sajuźnikam Ukrainy ŭ Paŭdniovaj Amierycy, kab ustanavić asabisty kantakt.
Čytajcie jašče:
Prezident Arhienciny palacieŭ zvyčajnym samalotam. I heta samalot «Biełavija»
Supracoŭnikaŭ Rasavijacyi padazrajuć u prodažy samalotaŭ i viertalotaŭ dla patreb Ukrainy
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary