Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?
Kiemlivy litoŭski chłopčyk choča atrymać ad błohiera $2 miljony.
Prezident Litvy Hitanas Nausieda pa prośbie chłopčyka pavinšavaŭ biełaruskaha videabłohiera Mellstroy.
Mellstroy — heta ŭradženiec Homiela Andrej Burym. Skandalnuju viadomaść jon atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.
Niekatory čas błohier žyŭ u Dubai, a ŭ lutym hetaha hoda pierasialiŭsia ŭ Turcyju. Tam jon chavajecca ad zaviedzienaj kryminalnaj spravy za ŭchileńnie ad słužby ŭ armii.
Mellstroy razdaje zadańni, za vykanańnie jakich abiacaje bujnyje sumy hrošaj. Siarod apošnich zadańniaŭ było «pryvitańnie ad prezidenta».
«Chaču prapanavać minimum 2 miljony dalaraŭ za prezidenta luboj krainy. Kali prezident luboj krainy, luboj, — hałoŭnaje, prezident — pieradaść mnie pryvitańnie, to, bł… minimum 2 miljony dalaraŭ», — zajaviŭ Andrej Burym u časie strymu.
Heta zadańnie vykanaŭ školnik ź Litvy.
U časie śviatočnych mierapryjemstvaŭ u Vilni jon padyšoŭ da prezidenta Naŭsiedy. Na videa, jakoje hulaje pa sacsietkach, prezident pytajecca ŭ chłopčyka: «Jakoje imia? A, Mellstroy. Nu, tak, vinšuju. Z čym? Z dniom naradžeńnia ci z 11 sakavika?»
Dzicia adkazvaje, što z 11 sakavika.
«Vinšuju ciabie z 11 sakavika», — havoryć Naŭsieda.
Adnak paśla taho, jak błohier ubačyŭ zapisanaje videa, jon skazaŭ, što nie hatovy vypłacić poŭnuju sumu. Maŭlaŭ, čakaŭ inšaha:
«Ja čakaŭ nie hetaha. Heta, zrazumieła, maja prablema, što ja nie prapisaŭ narmalna praviły. Možna, ja adpraŭlu tysiač 100-150 dalaraŭ? Za 2 lamy zialonych ja čakaŭ jakasnaje pryvitańnie».
Čytajcie jašče:
Homielski vajenkam Kryvanosaŭ paabiacaŭ zrabić z treš-strymiera Mellstroy «hodnaha bajca»
Homielskaha treš-błohiera abjavili ŭ vyšuk u Rasii i zaviali kryminalnuju spravu ŭ AAE
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj60
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary