Z červienia ŭ Polščy nielha budzie pajści pracavać taksistam, tolki pryjechaŭšy ŭ krainu
Z červienia ŭ Polščy ŭzmacniajecca strohaść zakanadaŭstva, jakoje rehuluje dziejnaść słužbaŭ taksi. Ich kiroŭcy zmohuć pracavać tolki pry najaŭnaści polskaha paśviedčańnia kiroŭcy. Faktyčna heta zakryje rynak dla emihrantaŭ-pačatkoŭcaŭ, u tym liku i biełarusaŭ, piša Most.
Ciapier biełarusy, jakija žyvuć u Polščy bolš za 185 dzion na praciahu kalandarnaha hoda, pavinny pamianiać pravy na polskija. Ale da taho jany mohuć vykarystoŭvać dziejnyja biełaruskija pravy. Ciapier ź imi možna ŭładkavacca i ŭ słužbu taksi. Heta robić prafiesiju taksista prostaj dla ŭvachodu inšaziemcaŭ, dla mnohich emihrantaŭ taksi źjaŭlajecca pieršaj krynicaj dachodu ŭ Polščy ci dobrym dadatkovym zarobkam.
Ale z červienia situacyja źmienicca. Nieabchodnaść spačatku abmianiać pravy i tolki potym pryjści ŭ taksi vymyje z rynku ludziej ź nievialikim vopytam emihracyi. Heta adabjecca i na polskim rynku taksi. Jak piša Rzeczpospolita, ceny na hetyja pasłuhi mohuć vyraści až da 50%, a čas čakańnia mašyn pavialičycca.
Polski rynak taksi sutykajecca z deficytam kadraŭ, jaki zakryvajuć emihranty. U servisie FreeNow, da prykładu, tracina ŭsich kiroŭcaŭ — inšaziemcy. Dla pałovy ź ich praca kiroŭcam — heta pieršaja praca ŭ Polščy. A 35% kiroŭcaŭ-inšaziemcaŭ ličać, što abmien pravoŭ — heta doŭhaja pracedura. Jana moža zajmać niekalki miesiacaŭ.
«Chutka abaviažuć stavić videakamiery na našych kuchniach i ŭ spalniach». Biełarusy vykazalisia pra novaŭviadzieńni ŭ taksi
Biełarusa zatrymali ŭ Polščy za pieravozku narkotykaŭ i pjanaje kiravańnie aŭtamabilem
Taksist admoviŭsia vieźci pasažyra ź dziciem, a ŭ taryfa «Dziciačy» nierealnaja nacenka. Što rabić u takoj situacyi?
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe26
Kamientary