Biełarusa zatrymali ŭ Polščy za pieravozku narkotykaŭ i pjanaje kiravańnie aŭtamabilem
Palicyja polskaha Sopata 1 studzienia zatrymała 32-hadovaha hramadzianina Biełarusi, jaki kiravaŭ aŭtamabilem BMW u stanie ałkaholnaha i narkatyčnaha apjanieńnia, a taksama pieravoziŭ značnuju kolkaść narkotykaŭ.
Pavodle infarmacyi pres-sakratarki palicyi Sopata Lucyny Rekoŭskaj, u kryvi biełarusa było 1,5 pramile ałkaholu, a ŭ analizie śliny źmiaščalisia ślady marychuany. Pry hetym kiroŭca «adčuvaŭ ciažkaści z samavyjaŭleńniem».
Pry vobšuku aŭtamabila było znojdziena 268 porcyj klefiedronu i niekalki porcyj sušanych raślin kanabisu, hašyšu i inšych psichatropnych rečyvaŭ. 3 studzienia sud mieŭsia razhledzieć chadajnictva prakuratury ab časovym aryšcie padazravanaha.
U Polščy zachoŭvańnie značnaj kolkaści narkotykaŭ karajecca pazbaŭleńniem voli na termin da 10 hadoŭ, a kiravańnie aŭtamabilem u stanie ałkaholnaha abo narkatyčnaha apjanieńnia — da troch hadoŭ.
Kamientary