Pavodle pravaabaroncaŭ «Viasny», u Biełarusi 1414 palitviaźniaŭ.
Pravaabarončaja supolnaść pryznała palitviaźniami vosiem čałaviek. Heta: Alaksandr Piskunoŭ, Jarasłaŭ Vierdyš, Alaksandr Jaŭcichaŭ, Dźmitryj Hut, Jaŭhien Toŭścik, Alaksandr Paliŭka, Pavieł Kuncevič, Ivan Asipovič.
Chto hetyja ludzi i čamu pravaabaroncy ličać ich spravy palityčna matyvavanymi.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1414 čałaviek. Sajt Dissydentby.com kaža pra 1603 palitviaźni pa stanie na 20 sakavika.
Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary