Razburana praktyčna ŭsia enierhietyčnaja infrastruktura, ale nichto nie apuskaje ruki — mer Charkava
Siońnia ŭ Charkavie razburana praktyčna ŭsia krytyčnaja enierhietyčnaja infrastruktura, bolš za 150 tysiač charkaŭčan zastalisia biez dachu nad hałavoj, ale Charkaŭ nie zdajecca, raspavioŭ mer horada Ihar Cierachaŭ u intervju LIGA.net.
«Evakuacyja idzie z vobłaści, dzie praciahvajucca bajavyja dziejańni. I hetyja ludzi jeduć u Charkaŭ. Ciapier u horadzie — 1,3 młn žycharoŭ. Pakul ni my, ni vajskoŭcy nie bačym padstaŭ dla evakuacyi z Charkava. Heta častka rasijskich IPSA, kab zapałochać i prymusić niervavacca haradžan», — kaža Cierachaŭ.
Jon havoryć, što Rasija zaraz vykarystoŭvaje suprać Charkava novuju zbroju — snarady bolšaha radyusu dziejańnia, ale sami akupanty bližej da horada nie padyšli. Pieravažna rasijanie bjuć pa Charkavie ź Biełharada i vobłaści. S-300, pa słovach Cierachava, dalataje da Charkava za 40 siekund. Taksama prylatajuć «šachiedy», jakich raniej nie było.
«Ja nie viedaju, jaki płan u voraha. Užo razburana praktyčna ŭsia krytyčnaja enierhietyčnaja infrastruktura, pryvatnaja taksama raźbita. Rasija choča nas zapałochać, ale heta niemahčyma. Za dva hady my bačyli roznyja ŭzroŭni pahroz, pačynajučy z DRH u samim Charkavie. Byli časy, kali z praktyčna dvuchmiljonnaha horada zastavałasia 300 000. Situacyja dla enierhietyčnaj haliny vielmi ciažkaja», — kaža jon i dadaje, što niahledziačy na heta, «nichto nie apuskaje ruki».
«Paniki ŭ horadzie niama. Zapałochvańni Rasii nie pracujuć — ludzi zhurtavanyja. Charkaŭ — heta farpost Ukrainy. I my vydatna heta razumiejem«», — padsumavaŭ Cierachaŭ.
Raniej vydańnie «Mieduza», sa spasyłkaj na krynicy, pisała, što rasijanie pasprabujuć zachapić Charkaŭ i pastupova tak skončyć vajnu.
Kamientary