Pres-słužba Słužby biaśpieki Ukrainy vydała kamientar z nahody zajavy kiraŭnika łukašenkaŭskaha KDB Ivana Cierciela adnosna taho, što va ŭkrainskich balnicach «za śpinami dziaciej» nibyta znachodziacca «terarysty».
SBU zaklikała ŭsprymać lubyja padobnyja zajavy pradstaŭnikoŭ režymu Łukašenki jak prajavu infarmacyjna-psichałahičnych śpiecapieracyj u intaresach Rasii.
Toje ž, što paśla hetaj zajavy ŭkrainskaje kiraŭnictva evakujavała z tych balnic lekaraŭ i pacyjentaŭ, tłumačycca situacyjaj vajny, u suviazi z čym «i śpiecyjalnyja słužby, i pradstaŭniki miascovaj ułady reahujuć na kožnuju patencyjnuju pahrozu zhodna z praduhledžanym pratakołam dziejańniaŭ», navat kali pahroza taja čysta tearetyčnaja.
«Asobna padkreślivajem: pradstaŭnikam biełaruskaha režymu, jaki całkam zdaŭ svaju krainu Rasii, varta zrazumieć prostuju reč — ludzi, jakija abaraniajuć Ukrainu ad akupantaŭ, źjaŭlajucca hierojami, a nie terarystami. Tamu što sapraŭdnyja terarysty znachodziacca ŭ Kramli», — padkreślivaje SBU.
Razam z tym vykazvajecca ŭpeŭnienaść, što złačyncy «niepaźbiežna atrymajuć za ździejśnienaje imi pakarańnie», što da łukašystaŭ, to im
«treba nie pałochać ukraincaŭ psieŭdazajavami, a dumać pra toje, jak nie apynucca na łavie padsudnych u Haazie pobač z kramloŭskim dyktataram».
Ciapier čytajuć
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ2
Kamientary