«Takoj situacyi nie było z 1977 hoda». Jak rezki skačok cen na kakava-baby adbivajecca na šakaładkach u Biełarusi
U «Biełdziaržcharčpramie» raskazali, što robiać na fonie rezkaha rostu cen na kakava-baby ŭ śviecie.
Pa słovach namieśnika kiraŭnika kancerna Alaksandra Jakaŭčyca, z-za rezkaha rostu cen na syravinu dla šakaładu biełaruskaja kandytarskaja halina šukaje novyja krainy-imparciory kakava-baboŭ. Suśvietny rost cenaŭ na kakavu, viadoma, zakranie i Biełaruś, piša «Sputnik».
«My ŭžo heta adčuvajem, pakolki situacyi, jakuju my majem, nie było z 1977 hoda», — adznačaje jon.
Temp rostu koštu kakava-baboŭ u 2023-m u paraŭnańni z papiarednim hodam skłaŭ 60%. Čynoŭnik dadaŭ, što na biahučy momant 2024-ha rost užo amal dvuchrazovy.
«Apošnija kaciroŭki ŭžo pieravysili 10 tysiač funtaŭ za tonu kakava-baboŭ, paŭtarusia, z 1977 hoda takoha nie było».
Jakaŭčyc dadaŭ, što źmieny klimatu nie dazvalajuć źbirać toj uradžaj, jaki byŭ raniej. U Biełarusi asnoŭnymi vytvorcami šakaładu i šakaładnych vyrabaŭ źjaŭlajucca «Kamunarka» i «Spartak». U sabiekošcie ich pradukcyi kakava-baby zajmajuć kala 40-43%. Tamu ciapier pradpryjemstvy jašče bolš skancentravany na pytańniach aptymizacyi vydatkaŭ. A taksama ŭ halinie vielmi ŭvažliva padychodziać da zaklučeńnia i supravadžeńnia kantraktaŭ, robiačy akcent na terminy vykanańnia. Treci napramak — pierahlad krain impartu.
«Kali tradycyjna heta byli Hana i Kot-Djivuar, to ciapier hladzim na Libieryju, Kamierun, Vieniesuełu, Daminikanskuju Respubliku. Tak my sprabujem źnivieliravać niehatyŭnyja pracesy, jakija niepaźbiežna datyčacca i našych kandytaraŭ», — prakamientavaŭ Jakaŭčyc.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
https://www.unian.ua/economics/agro/naybilshe-padinnyam-z-1959-roku-cini-na-kakao-obvalilis-shche-bilshe-12625257.html