Bandyty ŭ Šviecyi zdabyvali sakretnuju infarmacyju ad palicyi praz łožak
U chodzie rasśledavańnia było vyjaŭlena kala 500 vypadkaŭ uciečki sakretnaj infarmacyi za apošnija šeść hadoŭ. U šerahu vypadkaŭ jana była atrymanaja šlacham spakušeńnia žančyn-palicejskich.
Šviedskaje vydańnie Dagens Nyheter vypuściła rasśledavańnie, u jakim śćviardžaje, što vyjaviła šyrokuju i sistematyčnuju ŭciečku sakretnaj infarmacyi z palicejskaha ŭpraŭleńnia. Heta spryjała rostu złačynnaści.
Jak śćviardžaje vydańnie, bandyty znajomilisia z supracoŭnikami palicyi praz sajty znajomstvaŭ i adpaviednyja mabilnyja dadatki. Naprykład, u tyndary pošuk vioŭsia pa hieałakacyi palicejskaj škoły.
Zatym zaŭvažanych u tym rajonie dziaŭčat praviarali pa śpisach palicejskich škoł ci praź infarmacyju ŭ ich sacyjalnych sietkach, dzie šmat chto hanaryŭsia svajoj karjeraj u palicyi. Z adabranymi takim čynam žančynami-palicejskimi i stažorami zaviazvalisia ramantyčnyja adnosiny.
U šerahu vypadkaŭ padčas adnosin z bandytami dziaŭčaty raskazvali im klučavyja padrabiaznaści rasśledavańnia kryminalnych spraŭ.
Rasśledavańnie pakazała, što złačyncy vykarystoŭvali i inšyja mietady zdabyćcia infarmacyi jak ad žančyn, tak i ad mužčyn-palicejskich. Naprykład, jany šukali słabyja miescy słužboŭcaŭ, takija jak nabyćcio narkotykaŭ, i takim čynam «łavili na kručok» i vierbavali ŭ jakaści infarmataraŭ.
Jašče adnym sposabam było vykarystańnie siamiejnych suviaziaŭ złačyncaŭ dla akazańnia cisku na členaŭ siamji, jakija pracavali ŭ palicyi.
U rasśledavańni havorycca pra 514 paviedamleńniaŭ adnosna ŭciečki infarmacyi pačynajučy z 2018 hoda. Jak minimum 30 supracoŭnikaŭ palicyi byli vyznačanyja ŭ jakaści «ryzyki dla biaśpieki» i byli zvolnienyja ci padali ŭ adstaŭku. U 14 vypadkach majucca pierakanaŭčyja dokazy (u niekatorych vypadkach i sudovyja rašeńni) raskryćcia sakretnaj infarmacyi.
Jak minimum u čatyroch vypadkach uciečka infarmacyi spryjała tak zvanym «atakam pomsty» z boku bandytaŭ, jakija skončylisia zabojstvami ci ranieńniami ludziej.
U materyjale śćviardžajecca, što złačynnyja hrupoŭki pastajanna skanavali svajo atačeńnie i znachodzili ludziej nieabchodnych dla ich prafiesij, ź jakimi išli na zbližeńnie. U niekatorych vypadkach vykarystoŭvalisia paŭnavartasnyja schiemy viarboŭki, anałahičnyja tym, jak viarbujuć špijonaŭ.
Pa vynikach rasśledavańnia palicyja zajaviła, što ŭzmocnić miery biaśpieki. U pryvatnaści, buduć arhanizavanyja treninhi pa pavyšeńni daśviedčanaści pra ryzyki biaśpieki i pra toje, jak praduchilić incydenty.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary