Na hetym tydni Departamient kantrolu jakaści adukacyi Minadukacyi pierastaŭ prymać zajavy na vydaču daviedak, jakija paćviardžajuć lehalnaść atestataŭ, daviedaŭsia telehram-kanał «Učitielskaja». Takija daviedki zapytvali niekatoryja zamiežnyja VNU pry pryjomie ŭ ich biełaruskich hramadzian.
Infarmacyja, jak padkreślivajecca, pakul nie paćvierdžanaja, ale ŭvohule farmalnaj pryčynaj dla admovy moža być toje, što forma takoj daviedki nie była aficyjna zaćvierdžanaja i doŭhija hady vydavałasia ŭ advolnaj formie, a heta možna traktavać jak parušeńnie.
Uvohule ž spynieńnie vydačy takich daviedak, asabliva ŭ samym kancy navučalnaha hoda, moža abciažaryć praces pastupleńnia biełaruskich abituryjentaŭ u zamiežnyja VNU.
U toj ža čas hetaja situacyja nie zakranaje praces apastylavańnia dakumientaŭ ab adukacyi. Apastyl, jak i raniej, pakul što možna prastavić u Departamiencie kantrolu jakaści adukacyi.
Kamientary