Padčas udaru pa rasijskaj bazie SPA na hary Aj-Pietry ŭ Krymie zahinuŭ jaje kamandzir
Ranicaj 13 maja niekalki rakiet (jak miarkujecca, Storm Shadow) atakavali v/č 85683 na hary Aj-Pietry ŭ Krymie, paviedamlaje telehram-kanał Astra. Na hary znachodzicca «sakretnaja» vajskovaja baza supraćpavietranaj abarony 3-ha radyjotechničnaha pałka Uzbrojenych sił Rasii.

U vyniku trapleńnia rakiet zahinuŭ kamandzir v/č 85683 Alaksandr Kułakoŭ i jašče adzin vajskoviec. Taksama jość paranienyja, ich kolkaść udakładniajecca.
U savieckija hady na viaršyni hary Aj-Pietry byŭ stvorany radyjotechničny centr dalokaj raźviedki i naviadzieńnia vojskaŭ SPA. Kupały achoŭnych zbudavańniaŭ radaraŭ u vyhladzie šaroŭ niaredka pryciahvali ŭvahu turystaŭ. Pad hetymi kupałami chavajucca radyjołakacyjnyja kompleksy. Tut ža abstalavany vajenny haradok dla tych, chto absłuhoŭvaje hetyja abjekty.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje

Kamientary