«U vyšku zasora siutemy haśfiekalnaj kanamzaćn u padvalnym pamiaškanš». Vy budziecie śmiajacca, ale heta biełaruskaja mova
Viciabčuk Dźmitryj Karniejenka, navat žyvučy za miažoj, rehularna dasyłaje skarhi ŭ viciebskija žyllova-kamunalnyja słužby, źviartajučy ich uvahu na roznyja kamunalnyja nieparadki ŭ rodnym horadzie. Jamu, jak i naležyć pavodle zakanadaŭstva, adkazvajuć, ale adkazy časam aformlenyja vielmi dziŭna.
Zvaroty svaje Dźmitryj Karniejenka piša pa-biełarusku, i na hetaj samaj movie jamu abaviazanyja davać adkazy. Na joj nibyta i dajuć, ale hetym razam, atrymaŭšy adkaz ad Unitarnaha kamunalnaha vytvorčaha pradpryjemstva «Viciebskaja haradskaja žyllova-kamunalnaja haspadarka», Karniejenka byŭ uražany i raźmiaściŭ dakumient u fejsbuku z kamientarom:
«Dumaŭ, što mianie [ŭžo ničym] nie ździvić, ale takuju biełaruskuju movu sustrakaju ŭpieršyniu».
Sapraŭdy, u dakumiencie, składzienym nibyta na biełaruskaj movie, tolki niekalki razoŭ prakidajecca biełaruskaje «i», a zamianiajecca jano ŭ najlepšym vypadku ličbaj «1», a zvyčajna — zusim ekzatyčnymi kanstrukcyjami, kali, naprykład, zamiest kambinacyi litar «ni» idzie litara «š», zamiest «is» — «ju», zamiest «yi» — «n», i h. d., varyjantaŭ vialikaje mnostva.
U vyniku sens vykładzienaha ŭ dakumiencie zrazumieć možna, ale ź vialikaj ciažkaściu. I dobra jašče, što «ŭ» usiudy zamianiajecca tolki na «u».
Jak taki dzivosny, śmieła alternatyŭny aficyjna zaćvierdžanamu biełaruski pravapis u viciebskich čynoŭnikaŭ moh atrymacca — možna tolki zdahadvacca. Najbolš padobna na vynik hrubaha raspaznavańnia tekstu paśla skanavańnia. Vyčytkaj i vypraŭleńniem tekstu paśla hetaha aktu supracoŭniki ŽKH, jak vyhladaje, pahrebavali, a «hałouny 1nženier» pradpryjemstva «T.B.Kurhanau» padmachnuŭ jaho nie čytajučy.
«Biełaje palito nie ciśnie?» Biełaruska ŭ jubilej Bykava pryhadała niepryjemny fakt pra jaho — tvitar vybuchnuŭ
«Spampujcie. Što, b***?» Praŭładnaja mastačka nie zrazumieła biełaruskaj movy
«Dapuścim, čałaviek ź nizkim uzroŭniem kultury». Kiraŭnička «Biełaj Rusi» rezka adkazała na chamski dopis pra biełaruskuju movu mastački Žyhimont
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary