Mižnarodny instytut kiravańnia i pradprymalnictva (MIKP) źmianiŭ ułaśnika. Jak daviedałasia «Lusterka», heta adbyłosia ŭ śniežni 2023 hoda, a novyja ŭładalniki — hramadzianie Kitaja.
Mižnarodny instytut kiravańnia i pradprymalnictva — adna z najstarejšych pryvatnych navučalnych ustanoŭ u krainie, heta VNU adkryłasia ŭ 1993 hodzie. Raniej jana nazyvałasia «Pryvatny instytut kiravańnia i pradprymalnictva».
Miarkujučy pa danych adzinaha dziaržaŭnaha rehistra, instytut zasnavała TAA «Asnovy pradprymalnickaj dziejnaści». U liku jaho vidaŭ dziejnaści — vyšejšaja adukacyja i zdača ŭ najom ułasnaj i arandavanaj nieruchomaści.
Hetaja arhanizacyja taksama źjaviłasia ŭ 1993 hodzie. Tady siarod jaje zasnavalnikaŭ značylisia 23 čałavieki, usie — hramadzianie Biełarusi. Da 2022 hoda śpis skaraciŭsia da 12. U kastryčniku 2022 hoda tyja samyja 12 zasnavalnikaŭ, jak vyhladaje, pradali «Asnovy pradprymalnickaj dziejnaści» hramadzianinu Kitaja Peń Łaniu, i ŭžo jon vałodaŭ kampanijaj da śniežnia 2023 hoda.
Cikava, što ŭ śniežni ŭsiaho na tydzień ułaśnikam kampanii zrabiłasia kitajskaje TAA «Cysińvan pa kiravańni biznesam Cendu», a zatym Peń Łań znoŭ staŭ uładalnikam. A praz dva tydni ŭłaśniki źmianilisia. Imi stali dvoje kitajcaŭ — Che Dań i Van Bo, kožnamu ź jakich naležyć pa 50% biznesu. Dyrektar arhanizacyi — taksama hramadzianin KNR Chań Veńjuań.
Siarod kiraŭnictva samoj VNU taksama jość kitajcy. Naprykład, prarektar pa vučebnaj rabocie — Čžan Penfej. Rektara ŭ instytucie pakul niama, a da 2023 hoda im byŭ kandydat ekanamičnych navuk Mikałaj Siniak.
U spravazdačy ab prybytkach i stratach MIKP paznačana, što za minuły hod čysty prybytak instytuta skłaŭ 5,593 miljona rubloŭ. A voś 2022 hod byŭ stratnym na 109 tysiač rubloŭ.
Apošnimi dniami prychodzić šmat navin pra toje, što biełaruskija pryvatnyja VNU zhortvajuć svaju dziejnaść. Pieršym pra likvidacyju paviedamiŭ Univiersitet prava i sacyjalna-infarmacyjnych technałohij (były BIP), krychu paźniej — Instytut pradprymalnickaj dziejnaści. A Instytut parłamientaryzmu i pradprymalnictva, choć kančatkova pakul nie zakryvajecca, ale sioleta nie budzie nabirać pieršakurśnikaŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary