Studenty BIP zmohuć pieravieścisia ŭ viadučyja VNU Minska, Mahilova i Hrodna
30 žniŭnia adzin z najstarejšych VNU krainy spynić pracu.
Studenty pryvatnaha ŭniviersiteta BIP zmohuć pieravieścisia ŭ viadučyja VNU Minska, Mahilova i Hrodna. Infarmacyja pra pieravod studentaŭ pryvatnaj VNU, jakaja zakryvajecca 30 žniŭnia, budzie padadziena ciaham dvuch tydniaŭ, raskazali ŭ Minadukacyi.
Dla praciahu navučańnia studenty i mahistranty paśla zakančeńnia siesii buduć centralizavana pieraviedzienyja ź ich zhody ŭ inšyja ŭstanovy adukacyi Biełarusi, paviedamlaje BiełTA.
«U ciapierašni čas pry padtrymcy Ministerstva adukacyi idzie ŭzhadnieńnie pieravodu studentaŭ, jakija navučajucca ŭ Minsku, u Biełaruski dziaržaŭny ŭniviersitet, Biełaruski dziaržaŭny ekanamičny ŭniviersitet, Biełaruski dziaržaŭny piedahahičny ŭniviersitet imia Maksima Tanka, Biełaruski dziaržaŭny ŭniviersitet infarmatyki i radyjoelektroniki, mižnarodny ŭniviersitet «MITSO», Instytut biznesu BDU», — rastłumačyli ŭ Minadukacyi.
Studenty Mahiloŭskaha filijała BIP zmohuć pieravieścisia ŭ Mahiloŭski dziaržaŭny ŭniviersitet imia Arkadzia Kulašova. Studenty Hrodzienskaha filijała — u Hrodzienski dziaržaŭny ŭniviersitet imia Janki Kupały.
«Zasnavalnik i kiraŭnictva ŭniviersiteta paviedamili, što infarmacyja pra mahčymaści pieravodu ŭ kankretnyja ŭniviersitety ciaham dvuch tydniaŭ budzie daviedziena da kožnaha navučenca. Studenty, jakija nie vykazali žadańnia pieravieścisia ŭ prapanavanuju ŭstanovu adukacyi, majuć prava samastojna vybrać ustanovu vyšejšaj adukacyi dla praciahu navučańnia pa abranaj śpiecyjalnaści», — zajavili ŭ viedamstvie.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary