Biełaruski taksist u Varšavie zarabiŭ bolš za 300 dalaraŭ za źmienu. Ale takoje ščaście nienadoŭha
Biełaruski karystalnik tyktoka pad nikam Arturio, jaki pracuje ŭ taksi ŭ Varšavie, pakazaŭ zarobak za 12-hadzinnuju źmienu — prykładna 300 dalaraŭ čystymi, zaŭvažyŭ Most. Zarabić takija hrošy ŭdałosia dziakujučy časovaj spryjalnaj kanjunktury.
Rascenki vyraśli paśla źmienaŭ u polskaje zakanadaŭstva, jakija ŭstupili ŭ siłu z 17 červienia: ciapier pracavać u taksi možna tolki z polskimi pravami kiroŭcy. Z-za hetaha z rynku daviałosia pajści šmatlikim emihrantam.
Chłopiec pakazaŭ raźlik za adzin pracoŭny dzień. Jahony zarobak skłaŭ 1527 złotych, vydatki — 272, a čysty prybytak — 1255 złotych.
«Polskaje taksi ciapier prosta varjacieje», — kaža biełarus.
Rost stavak taksist źviazvaje z novymi praviłami.
«Z 17 čysła pačałasia prosta niejkaja vakchanalija. U mabilnych prahramach taksi cełymi dniami harać kaeficyjenty. Takoha nie było na majoj pamiaci nikoli, a ja dva hady amal pracuju. Prahramy dajuć nierealnyja bonusy».
Praŭda, paźniej toj ža čałaviek napisaŭ, što «chalava» praciahvałasia tolki tydzień.
U kamientarach jahonyja kalehi bolš strymanyja ŭ acenkach. Niekatoryja kažuć, što taki ažyjataž tolki ŭ Varšavie.
Z 17 červienia ŭsie taksisty ŭ Polščy pavinny mieć polskaje paśviedčańnie kiroŭcy. Heta tyčycca i tych, chto pracuje praz mabilnyja prahramy. Abmianiać na polskaje paśviedčańnie pravy, vydadzienyja na radzimie, naprykład u Biełarusi, Ukrainie ci Hruzii, možna praz 185 dzion paśla pierajezdu ŭ Polšču, a praces abmienu ŭ niekatorych haradach zajmaje dva miesiacy. Tamu rynak pakinuli mnohija emihranty, jakija pryjechali ŭ Polšču niadaŭna.
Pavodle źviestak kampanii Bolt, 17 červienia ŭ Varšavie praz hetuju prahramu jeździła na 26% mienš taksi, čym zvyčajna. Kampanija FreeNow adklučyła kala 15% kiroŭcaŭ. Pradstaŭnica kampanii Uber Polska ŭ kamientary TVN24 zajaŭlała, što ŭ najbujniejšych haradach rynak pakinie da 30% kiroŭcaŭ, jakija robiać amal pałovu pajezdak.
U Minsku bankrutuje jašče adzin taksapark, farmalny zasnavalnik jakoha pra jaho nie ŭ kursie
Aŭtamabili taksi treba budzie zachoŭvać tolki na achoŭnych parkinhach. Za vykarystańnie ŭ asabistych metach — štraf
Biełaruski taksist u Varšavie ŭrezaŭsia ŭ hrupu piešachodaŭ
«Nikoli nie vyhaniajcie čałavieka na vulicu»: Illa Dabratvor skončyŭ ekśpierymient z žyćciom u mašynie
Były aktyvist Illa Dabratvor žyvie ŭ Varšavie prosta ŭ svaim taksi
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES8
Kamientary
Luby čytač, jak ź im časta byvaje, ŭzłavaŭsia i naminusiŭ mnie paŭniutkuju torbu, a žmieńku minusoŭ dasypaŭ ŭ kišeń.
Nu voś, kali łaska, abmiežavańnie na pracu taksistami, ŭźlot cenaŭ - pajezdka ciapier daražej