U Saudaŭskaj Aravii znajšli sposab, jak abaranić pałomnikaŭ u Miekku ad 50-hradusnaj śpioki
U miačeci ŭ Mieccy buduć ustalavanyja samyja vialikija ŭ śviecie składnyja parasony, pryznačanyja dla abarony pałomnikaŭ padčas ździajśnieńnia abradaŭ chadžu, paviedamlaje Saudi Gazette.
Hetyja miery prymajucca ŭ suviazi z rašeńniem Saudaŭskaj Aravii pavysić uzrovień biaśpieki paśla letašniaj trahiedyi ŭ dalinie Mina, dzie ŭ vyniku ciskaniny zahinuli 2200 čałaviek.
Inžyniery pačali ŭstaloŭvać pieršy z vaśmi vysokatechnałahičnych składnych parasonaŭ, jakija płanujecca pastavić ciaham najbližejšych šaści miesiacaŭ. Kožny parason budzie mieć vyšyniu 45 mietraŭ i važyć 16 ton.
Kupał parasona budzie abstalavany vialikimi hadzińnikami, manitorami ź infarmacyjaj dla pałomnikaŭ, kandycyjanierami i kamierami nazirańnia.
Usiaho vosiem parasonaŭ zakryjuć płošču ŭ 2400 kvadratnych mietraŭ. Akramia taho, pa ŭsioj miačeci buduć ustanoŭlenyja 54 nievialikija parasony.
Pieryjad ździajśnieńnia chadžu prypadaje na pačatak vieraśnia, kali tempieratura moža dasiahać 50 hradusaŭ.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary