Bolš za 2500 čałaviek aryštavanyja.
U Banhładeš bolš za 170 čałaviek zahinuli, bolš za 2500 byli aryštavanyja padčas masavych studenckich pratestaŭ, jakija ŭspychnuli na minułym tydni, piša Rasijskaja słužba Radyjo Svaboda.
Studenty vystupili suprać sistemy śpiecyjalnych kvot pry najmańni na pracu dziaržaŭnych słužačych u krainie ź vielmi vysokim uzroŭniem biespracoŭja siarod moładzi. Pratesty supravadžalisia samym maštabnym usploskam hvałtu za ŭsie 15 hadoŭ kiravańnia premjer-ministra Šejch Chasiny i jaje partyi.
U paniadziełak asnoŭnaja studenckaja hrupa, jakaja raspačała akcyi pratestu, abviaściła pra ich prypynieńnie na 48 hadzin.
Lidar hetaj hrupy «Studenty suprać dyskryminacyi» Nachid Isłam u intervju AFP zajaviŭ, što aktyvisty nie chočuć reformaŭ «koštam takoha maštabnaha krovapralićcia».
Ahienctva Reuters paviedamiła ab adnosnym spakoi, jaki na hetym tydni adnaviŭsia ŭ Dakie i bujnych haradach Banhładeš.
U stalicy Banhładeš u aŭtorak prykmietna ŭzmocnienaja prysutnaść vajskoŭcaŭ, jakija pastavili kantrolna-prapusknyja punkty na hałoŭnych skryžavańniach i darožnych arteryjach horada.
Na minułym tydni studenty vyjšli na vulicy z patrabavańniem admianić sistemu śpiecyjalnych kvot pry najmańni dziaržaŭnych słužačych u krainie, dzie, pavodle aficyjnych danych, 18 miljonaŭ maładych ludziej źjaŭlajucca biespracoŭnymi.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary