Biełaruska Vijaleta Bardziłoŭskaja — srebnaja miedalistka Alimpijady! Što viadoma pra jaje?
19-hadovaja spartsmienka zavajavała srebny miedal u spabornictvach pa batucie. A jaje chłopiec Ivan Litvinovič — pieramožca Alimpijady-2021.
Vijalecie 19 hadoŭ, jana rodam z Mahilova. U 2021-m dziaŭčyna stała čempijonkaj Jeŭropy na junijorskim uzroŭni — atrymałasia pieramahčy ŭ sinchronnych skačkach. U Paryžy, adnak, Bardziłoŭskaja vystupaje ŭ adzinočnym turniry.
Najlepšy vynik dziaŭčyny ŭ siezonie — 10-je miesca na etapie Kubku śvietu. Adnak na Alimpijadzie jana šakavała ŭsich ekśpiertaŭ — niečakanaje 2-je miesca. Heta pieršy miedal biełarusaŭ u Paryžy.
Vijaleta ŭžo niedzie hod sustrakajecca ź Ivanam Litvinovičam, alimpijskim čempijonam Tokia-2021. Jak i jana, Litvinovič atrymaŭ alimpijskuju licenziju, prajšoŭ praz pravierku na niejtralnaść i trapiŭ na Hulni, tak što dziaŭčyna maje mocnuju padtrymku.
Darečy, Ivan vystupaje siońnia viečaram. A 19-j pačynajecca kvalifikacyja, a finał zapłanavany na 20:50.
«Naša Niva» — bastyjon biełaruščyny
PADTRYMAĆCiapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary
Što ŭsim dobrym u žyćci jana zabaviazanaja darahomu Aleksandru Hrihov́jeviču. Jak i astatnija pryhonnyja kłouny tam.