«Biełaruś 5» pakaža matč u adkaz pamiž minskim «Dynama» i «Linkalnam» u Lizie Jeŭropy
Prachodžańnie supiernika harantuje biełaruskamu kłubu jeŭravosień, upieršyniu z 2018 hoda.
Telekanał «Biełaruś 5» płanuje tranślavać matč u adkaz pamiž minskim «Dynama» i «Linkalnam» u trecim raŭndzie kvalifikacyi Lihi Jeŭropy. Sustreča adbudziecca ŭ čaćvier u Hibrałtary (pačatak a 19-j pa minskim časie).
U pieršym matčy «Dynama» vyjhrała ź likam 2:0.
Kali minski kłub projdzie «Linkaln», to ŭ płej-of kvalifikacyi Lihi Jeŭropy zhulaje ź bielhijskim «Anderlechtam» i, jak minimum, navat pry parazie ad bielhijcaŭ, harantuje sabie asnoŭny raŭnd Lihi kanfierencyj.
Kali pa vyniku dvuch pajadynkaŭ pieramoža «Linkaln», to «Dynama» atrymaje šaniec prabicca ŭ asnoŭny raŭnd Lihi kanfierencyj praz płej-of kvalifikacyi hetaha turniru.
Jaho supiernikam stanie pieramožca pary «Bałkani» (Kosava) — «Łarn» (Paŭnočnaja Irłandyja). U pieršaj hulni irłandcy pieramahli 1:0.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary