Alaksiej Navalny pamior z-za taho, što ŭ jaho raptam uźnikła arytmija, skazana ŭ adkazie Śledčaha kamiteta.
Heta vynikaje z pastanovy ab admovie ŭ zaviadzieńni spravy pa fakcie śmierci apazicyjnaha palityka.
Jaje apublikavała ŭdava palityka Julija Navalnaja. U pastanovie, u pryvatnaści, havorycca, što śmierć Navalnaha «nie nosić kryminalnaha charaktaru». Pryčynaj nibyta stała «kambinavanaje zachvorvańnie», i śmierć nastupiła ŭ vyniku arytmii.
U dakumiencie skazana, što śmierć Navalnaha maje arytmahienny charaktar, jaki prajaviŭsia ŭ parušeńni rytmu i pravodnaści serca. Tryhieram stała krytyčnaje pavyšeńnie kryvianoha cisku (hipiertaničny kryz). Uźnikły na hetym fonie aciok mijakardu razam z dyfuznym kardyjasklerozam staŭ pryčynaj parušeńnia rytmu. Filtracyjny aciok i nabuchańnie mozha pry hetym stali pryčynaj raźvićcia vostraj hipiertaničnaj encefałapatyi, jakaja mahła prajaŭlacca ŭ vyhladzie hałaŭnych bolaŭ, bolaŭ u sercy, vanitaŭ, raźvićcia sutarhaŭ.
Jak adznačaje Navalnaja, parušeńnie rytmu serca niemahčyma ŭstanavić paśmiarotna, a pry žyćci nijakich zachvorvańniaŭ serca ŭ Alaksieja nie było.
Alaksiej Navalny pamior u kałonii «Paŭnočny voŭk» 16 lutaha 2024 hoda va ŭzroście 47 hadoŭ. Raniej pryčynaj śmierci nazyvaŭsia tromb.
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ5
Kamientary
Zaklučienije pisał radiolubitiel , a nie vrač . Provodimosť - svojstvo elektroprovodnikov . Trihier - ustrojstvo imiejuŝieje 2 ustojčivych sostojanija .
Spačatku sprabavali zabić u žniŭni 2020, pad šumok pratestaŭ u Biełarusi.
Zabili ŭ hetym hodzie kab nie vypuścić pa abmienu na Krasikava.