Były lekar Navalnaha acharaktaryzavaŭ aficyjnuju pryčynu śmierci palityka adnym słovam — niecenzurnym
Alaksandr Pałupan miarkuje, što SK albo choča schavać realnuju pryčynu śmierci palityka, albo nie zmoh znajści hetuju pryčynu.
Były lekar Alaksieja Navalnaha Alaksandr Pałupan raskrytykavaŭ aficyjnuju viersiju śmierci palityka.
Na prośbu kanała «Ahientstvo» acharaktaryzavać dakumient adnym słovam Pałupan adkazaŭ: «P***iož».
«Albo nie znajšli pryčynu śmierci i naciahnuli savu na hłobus, kab niešta napisać. Albo znajšli, ale vyrašyli jaje schavać i napisali pra arytmiju», — ličyć lekar.
Pavodle jaho słoŭ, parušeńnie sardečnaha rytmu, jakoje, pavodle danych SK, pryviało da śmierci Navalnaha, moža paŭstać albo pry pryrodžanym zachvorvańni, albo pry najaŭnaści strukturnaj patałohii serca. Pryrodžanyja zachvorvańni takoha rodu vyjaŭlajucca ŭ bolš maładym uzroście, a strukturnaj patałohii ni pry šmatlikich abśledavańniach palityka, ni pry ŭskryćci nie vyjavili.
«U jakaści tryhiera arytmii pakazvajecca hipiertaničny kryz, ale pry hetym niama śviedčańniaŭ pra pavyšeńnie arteryjalnaha cisku ŭ momant paharšeńnia stanu. U miedycynskich dakumientach Alaksieja, u tym liku atrymanych pry abśledavańniach za čas jaho źniavoleńnia, śviedčańniaŭ pra hipiertaničnuju chvarobu nie było, što taksama stavić pad vialiki sumnieŭ vierahodnaść ciažkaha hipiertaničnaha kryzu», — raskazaŭ Pałupan.
Pa słovach lekara, vyjaŭlenyja ŭ chodzie sudova-miedycynskaha daśledavańnia aciok hałaŭnoha mozhu i aciok lohkich nie mohuć śviedčyć pra kardyjahiennuju pryčynu śmierci, bo jany praktyčna zaŭsiody raźvivajucca pry praviadzieńni sardečna-lohačnaj reanimacyi. A adznačanyja źmieny ŭnutranych orhanaŭ mohuć śviedčyć pra chraničnyja zachvorvańni, biaśpiečnyja dla žyćcia.
«Zaklučeńnie ab vyklučeńni atručvańnia, jak mahčymaj pryčyny śmierci, zroblenaje na asnovie chimika-taksikałahičnaj ekśpiertyzy, źjaŭlajecca niepravamocnym, bo vialiki śpiektr atrutnych rečyvaŭ nie moža być vyjaŭleny standartnymi mietadami daśledavańnia», — miarkuje Pałupan.
Alaksiej Navalny pamior u kałonii «Paŭnočny voŭk» 16 lutaha 2024 hoda va ŭzroście 46 hadoŭ.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii16
Kamientary