Niadaŭna biełarusy, jakija jechali aŭtobusam u Ispaniju, trapili ŭ składanuju situacyju. Jany mieli šenhienskija vizy, vydadzienyja Hrecyjaj, i kali ich aŭtobus spynili ŭ Hiermanii, to častku turystaŭ adpravili ŭ Biełaruś za parušeńnie vizavych praviłaŭ. Jakija praviły važna viedać, kab vizu nie anulavali i paśla vydali novuju?
«Smartpres» tłumačyć, za što mohuć adpravić u «vizavy karancin».
Za parušeńnie vizavych praviłaŭ. Naprykład, kali viza była vydadziena adnoj dziaržavaj, a padarožnik adpraviŭsia ŭ inšuju krainu.
Jašče adno parušeńnie — parušeńnie praviła 90/180. Heta značyć, vy ŭ ahulnaj składanaści znachodzilisia na terytoryi krain Šenhiena bolš za 90 dzion na praciahu paŭhoda.
Taksama adno z najbolš raspaŭsiudžanych vizavych parušeńniaŭ — praterminavanaja viza. Praterminavanaj ličycca viza, u jakoj zaviaršyŭsia termin dziejańnia da taho času, jak čałaviek pierasiek miažu, navat kali lik idzie na chviliny. Kali heta adbyłosia z pryčyny fors-mažornaj situacyi (chvaroba, admiena rejsa), to pakłapaciciesia ab dakumientalnym paćvierdžańni. Naprykład, daviedka z balnicy abo apaviaščeńnie avijapieravozčyka.
Pakarańni mohuć być roznymi ŭ zaležnaści ad parušeńnia, pryčyny i, u vypadku praterminavanaj vizy, kolkaści dzion. U lubym vypadku, infarmacyja ab parušeńni budzie ŭniesiena ŭ bazu danych (baza SIS), dostup da jakoj jość u mihracyjnych i pasolskich orhanach dziaržaŭ ES.
Čaściej za ŭsio dla parušalnikaŭ vizavaha režymu ŭvodziać «vizavy karancin». Na praciahu peŭnaha terminu prosta nie adkryjuć nastupnuju šenhienskuju vizu. Termin takoha karancinu moža doŭžycca da 5 hadoŭ.
Taksama moža być pryznačany štraf. Rašeńnie ab jaho pamiery prymaje pamiežny aficer, uličvajučy ŭsie faktary parušeńnia. Jon moža vahacca ad 100 da 4000 jeŭra.
Jašče adna miera pakarańnia — departacyja.
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ75
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary