Pa francuzskim pašparcie Duraŭ — Paul Du Rove. Raniej jon raskazvaŭ pra hetu historyju jak pra pieršakrasavicki žart
Vydańnie BFM TV piša, što pry atrymańni francuzskaha hramadzianstva imia zasnavalnika Telegram Paŭła Durava było naturalizavanaje. Pa francuzskim pašparcie jon Paul Du Rove, źviarnuła ŭvahu «Jeŭraradyjo».
Raniej Duraŭ sam raskazvaŭ pra heta. U Dzień śmiechu, 1 krasavika 2023 hoda, u svaim kanale jon padzialiŭsia paciešnaj historyjaj z žyćcia.
Pavodle jaho, u 2022 hodzie zasnavalnik «UKantakcie» i Telegram vypadkova źmianiŭ imia i proźvišča ŭ svaim francuzskim pašparcie.
«Budźcie aściarožnyja z hetym dniom [1 krasavika]! Roŭna hod tamu moj pamočnik žartam zaŭvažyŭ, što raz ja staŭ hramadzianinam Francyi, to pavinien dadać prabieł u proźvišča i stać «Dziu Roŭv» (Du Rove). Hučna rahočučy, my zapoŭnili formu dla «afrancužvańnia» majho imia, jakoje paśla jašče niekalkich štrychoŭ stała «Pol dziu Roŭv» (Paul du Rove)», — raspavioŭ Duraŭ.
Pavodle jaho słoŭ, tady jon chutka zabyŭsia na zajaŭku, adnak francuzskija ŭłady sapraŭdy pryniali jaje i apracavali.
Kab padkreślić kamičnaść situacyi, Duraŭ, jak jon sam napisaŭ, pieranazvaŭ svoj kanał u Du Rove's Channel.
«Uspaminajučy hety dzień, ja ŭdziačny losu za toje, što kreatyŭnaść majho pamočnika nie raspaŭsiudziłasia na moj emiracki pašpart. U advarotnym vypadku vy b čytali hety post na «kanale Al Dura», — dadaŭ jon.
Ciapier zatrymany ŭ Paryžy Duraŭ čakaje sudovaha pasiadžeńnia, dzie buduć ahučanyja abvinavačańni i vyrašać, ci pakinuć miljardera za kratami.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary