U Francyi zatrymali stvaralnika Telehrama Paŭła Durava. Jamu buduć vystaŭlenyja ciažkija abvinavačvańni
Pavodle infarmacyi telekanała TF1, zasnavalnik i hienieralny dyrektar miesiendžara byŭ zatrymany ŭ subotu 24 žniŭnia ŭviečary ŭ aeraporcie ŭ pryharadzie Paryža.
Pavieł Duraŭ byŭ zatrymany, kali spuskaŭsia sa svajho pryvatnaha samalota na ŭźlotna-pasadačnuju pałasu aeraporta Le Burže.
Zatrymańnie było praviedziena žandarmieryjaj pavietranaha transpartu.
Pradprymalnik prybyŭ z Azierbajdžana. Supravadžali jaho ciełaachoŭnik i žančyna.
Vyjaviłasia, francuzskija pravaachoŭnyja orhany palavali na jaho, isnavaŭ francuzski ordar na jaho aryšt na padstavie papiaredniaha rasśledavańnia.
Jak tłumačać francuzskija miedyja, pryčyna zatrymańnia ŭ tym, što Duraŭ nie supracoŭničaŭ z pravaachoŭnymi orhanami Francyi pry rasśledavańni złačynstvaŭ, źviazanych z vykarystańniem Telegram, a ŭ samim miesiendžary niama maderacyi. Heta robić miljardera saŭdzielnikam teraryzmu, handlu narkotykami, złačynstvaŭ, źviazanych ź piedafilijaj, i machlarstva.
«Siońnia ŭviečary jon prakałoŭsia, — skazała telekanału krynica, blizkaja da orhanaŭ śledstva. — Niezrazumieła, čamu… Ci jon zalacieŭ u Francyju tolki pralotam? Va ŭsiakim razie, my jaho ŭziali!»
Źviarnuła ŭvahu, što Pavieł Duraŭ znachodziŭsia ŭ Azierbajdžanie ŭ toj samy čas, kali i Uładzimir Pucin ź vizitam. Heta vyklikała šmatlikija čutki pra ich sustreču.
Krynica adznačaje, što z taho času, jak da Durava źjavilisia pytańni ŭ Francyi, jon šmat času pravodziŭ u Emiratach, jeździŭ u krainy byłoha SSSR, Paŭdniovuju Amieryku, ale redka padarožničaŭ pa Jeŭropie i zusim nie zajazdžaŭ u krainy, dzie da Telehrama byli pytańni ŭ pravaachoŭnych orhanaŭ.
U Durava pry hetym jość francuzskaje hramadzianstva, jon atrymaŭ jaho ŭ 2021 hodzie. Ordar na jaho aryšt dziejničaŭ tolki na terytoryi krainy. Jaho zatrymali jak francuzskaha hramadzianina.
Što zaraz?
Śledčyja ONAF (Nacyjanalnaje ŭpraŭleńnie pa baraćbie z machlarstvam pry mytnym upraŭleńni) uziali Durava pad vartu. Abvinavačvańni ŭ suŭdziele ŭ ciažkich złačynstvach mohuć być vystaŭlenyja jamu ŭžo siońnia.
Aryšt Durava moža pryvieści da straty papularnaści jaho miesiendžara i razvału jaho biznesu. Kaciroŭki kryptavaluty TON užo abvalilisia.
Niečakany krok francuzskich uładaŭ moža mieć nastupstvy dla miedyjnaj situacyi ŭ Biełarusi, dzie Telehram staŭ papularnaj krynicaj infarmacyi.
-
Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
-
Vučyč pajšoŭ u adstaŭku z pasady prezidenta Sierbii. Kab stać premjeram
-
«Bačyli niejkich robataŭ». Pobač z bazaj VPS u Anhlii aryštavali piać čałaviek — ich padazrajuć u padrychtoŭcy teraktu
Ciapier čytajuć
Statkievič apublikavaŭ foty ich novaha z Marynaj Adamovič doma4
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary