Zatrymali dyrektarku bara «Stole» ŭ Biarozaŭcy. Jana šmatdzietnaja maci
Jak pišuć kanały siłavikoŭ, Dzijanu Burštyka schapili «za ekstremizm». Razam ź joj zatrymali jašče niekalkich supracoŭnikaŭ.
Dzijanie Burštyka (u dziavoctvie — Borys) 32 hady. Rodam jana ź Biarozaŭki Lidskaha rajona. Skončyła Hrodzienski dziaržaŭny ahrarny ŭniviersitet.
Dzijana zamužam i maje traich dziaciej — dvuch synoŭ i dačku. Siamja žyvie ŭ Biarozaŭcy.
Razam z mužam čatyry hady tamu jany adkryli bar «Stole» ŭ rodnaj Biarozaŭcy, de-fakta pieršy sučasny hastrabar u hetym horadzie. «Raniej nie było miesca, dzie školniki mahli kupić bulbu fry abo nahietsy, a moładź — pabałavać siabie sušy abo rołami», — pisała pra ich miascovaja presa. Praz dva hady Burštyki adkryli jašče adnu ŭstanovu ŭ Lidzie.
Taksama Dzijana zajmajecca makijažam, najpierš — viasielnym.
Pra zatrymańnie žančyny stała viadoma z kanała lidskich prapahandystaŭ, blizkich da siłavikoŭ. Razam ź joj zatrymali niekalkich supracoŭnikaŭ «Stole». U čym ich vinavaciać — nieviadoma.
«Naša Niva» — bastyjon biełaruščyny
PADTRYMAĆ
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary