Stała viadoma, čamu asudžanuju ŭ Polščy špijonku Darju Astapienku adpuścili na volu
Byłaja aktyvistka «Havary praŭdu» atrymała 1 hod i 8 miesiacaŭ turmy za špijanaž na karyść Biełarusi. Čamu jana paśla suda apynułasia na voli, raźbiraŭsia Most.
Astapienka praviała pad vartaj mienš za dzieviać miesiacaŭ. Joj pahražała da piaci hadoŭ pa artykule ab špijanažy. Adnak sud abmiežavaŭsia miakkim pakarańniem — 1 hod i 8 miesiacaŭ turmy. Znachodžańnie pad vartaj joj zaličyli ŭ ahulny termin pakarańnia.
Sud taksama admianiŭ mieru strymańnia i adpuściŭ Astapienku z-pad varty. Atrymlivajecca, jana adbyła mienš za pałovu pryznačanaha pakarańnia. Pres-słužba suda patłumačyła, čamu tak atrymałasia.
Akazałasia, što žančyna vyzvalenaja da ŭstupleńnia prysudu ŭ siłu. Ciapier abarona, jak i abvinavačvańnie, maje prava abskardzić prysud. Tady los Astapienki budzie vyrašacca ŭ zaležnaści ad kančatkovaha rašeńnia suda.
Kali prysud nie budzie źmienieny, žančynu mohuć adpravić u turmu dla adbyćcia rešty terminu. Ale taksama jana moža paprasić sud ab daterminovym vyzvaleńni, naprykład u suviazi z adbyćciom značnaj častki pryznačanaha terminu.
Darji Astapiency kala 36 hadoŭ. Jana rodam z Baranavičaŭ i pa śpiecyjalnaści vieterynar. U Polščy jana sprabavała naładžvać kantakty z aktyvistami dyjaspary, pranikać u viadučyja biełaruskija arhanizacyi, prapanujučy im svaju vałanciorskuju dapamohu, źbirała infarmacyju pra dziejnaść padraździaleńniaŭ paspalitaha rušeńnia ŭ Biełastoku, a taksama pra biełaruskich dobraachvotnikaŭ va Ukrainie i tych, chto akazvaje im dapamohu.
Pavodle abvinavačańnia, Darja ŭ 2023 hodzie šmat razoŭ pieradavała KDB Biełarusi infarmacyju, datyčnuju dziejnaści, struktury i finansavańnia arhanizacyj, jakija akazvajuć padtrymku biełaruskaj apazicyi. Hetyja danyja biełaruski režym vykarystaŭ dla prapahandy, kab abvinavacić apazicyju ŭ ekstremiźmie, a polskija śpiecsłužby — u tym, što jany zamaŭlali dyviersii na abjektach krytyčnaj infrastruktury Biełarusi.
Iłžyvaja infarmacyja, na dumku abvinavačvańnia, nanosiła straty intaresam Polščy i jaje źniešniaj palitycy, jakaja ŭklučaje padtrymku biełaruskaj apazicyi, i viali da destabilizacyi adnosin pamiž Polščaj i Biełaruśsiu.
Špijonku Darju Astapienku, asudžanuju ŭ Polščy, paśla suda vyzvalili z-pad varty
Aktyvistcy «Havary praŭdu» dali ŭ Polščy realny termin za špijanaž na karyść Biełarusi
U Varšavie hramadzianku Biełarusi buduć sudzić za pieradaču KDB infarmacyi pra biełaruskija arhanizacyi ŭ Polščy
Zatrymanaja ŭ Polščy ahientka KDB raniej była pornaaktrysaj
Stała viadoma, što za biełarusku aryštavali ŭ Polščy za pracu na KDB
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ5
Kamientary
Zatoje niekatoryja lidary ŭ Polščy hatovyja pieramahčy łuku adnoj levaj na vybarach...