Стала вядома, чаму асуджаную ў Польшчы шпіёнку Дар'ю Астапенку адпусцілі на волю
Былая актывістка «Гавары праўду» атрымала 1 год і 8 месяцаў турмы за шпіянаж на карысць Беларусі. Чаму яна пасля суда апынулася на волі, разбіраўся Most.
Астапенка правяла пад вартай менш за дзевяць месяцаў. Ёй пагражала да пяці гадоў па артыкуле аб шпіянажы. Аднак суд абмежаваўся мяккім пакараннем — 1 год і 8 месяцаў турмы. Знаходжанне пад вартай ёй залічылі ў агульны тэрмін пакарання.
Суд таксама адмяніў меру стрымання і адпусціў Астапенку з-пад варты. Атрымліваецца, яна адбыла менш за палову прызначанага пакарання. Прэс-служба суда патлумачыла, чаму так атрымалася.
Аказалася, што жанчына вызваленая да ўступлення прысуду ў сілу. Цяпер абарона, як і абвінавачванне, мае права абскардзіць прысуд. Тады лёс Астапенкі будзе вырашацца ў залежнасці ад канчатковага рашэння суда.
Калі прысуд не будзе зменены, жанчыну могуць адправіць у турму для адбыцця рэшты тэрміну. Але таксама яна можа папрасіць суд аб датэрміновым вызваленні, напрыклад у сувязі з адбыццём значнай часткі прызначанага тэрміну.
Дар'і Астапенцы каля 36 гадоў. Яна родам з Баранавічаў і па спецыяльнасці ветэрынар. У Польшчы яна спрабавала наладжваць кантакты з актывістамі дыяспары, пранікаць у вядучыя беларускія арганізацыі, прапануючы ім сваю валанцёрскую дапамогу, збірала інфармацыю пра дзейнасць падраздзяленняў паспалітага рушэння ў Беластоку, а таксама пра беларускіх добраахвотнікаў ва Украіне і тых, хто аказвае ім дапамогу.
Паводле абвінавачання, Дар'я ў 2023 годзе шмат разоў перадавала КДБ Беларусі інфармацыю, датычную дзейнасці, структуры і фінансавання арганізацый, якія аказваюць падтрымку беларускай апазіцыі. Гэтыя даныя беларускі рэжым выкарыстаў для прапаганды, каб абвінаваціць апазіцыю ў экстрэмізме, а польскія спецслужбы — у тым, што яны замаўлялі дыверсіі на аб'ектах крытычнай інфраструктуры Беларусі.
Ілжывая інфармацыя, на думку абвінавачвання, наносіла страты інтарэсам Польшчы і яе знешняй палітыцы, якая ўключае падтрымку беларускай апазіцыі, і вялі да дэстабілізацыі адносін паміж Польшчай і Беларуссю.
Шпіёнку Дар'ю Астапенку, асуджаную ў Польшчы, пасля суда вызвалілі з-пад варты
Актывістцы «Гавары праўду» далі ў Польшчы рэальны тэрмін за шпіянаж на карысць Беларусі
У Варшаве грамадзянку Беларусі будуць судзіць за перадачу КДБ інфармацыі пра беларускія арганізацыі ў Польшчы
Затрыманая ў Польшчы агентка КДБ раней была порнаактрысай
Стала вядома, што за беларуску арыштавалі ў Польшчы за працу на КДБ
Цяпер чытаюць
Ці атрымаецца ва ўладаў вярнуць дзяцей мігрантаў у беларускія школы? Наўрад ці, але яны спрабуюць — прымусова19
Каментары
Затое некаторыя лідары ў Польшчы гатовыя перамагчы луку адной левай на выбарах...