Hramadstva2929

Stała viadoma, što za biełarusku aryštavali ŭ Polščy za pracu na KDB

9 studzienia Ahienctva ŭnutranaj biaśpieki Polščy paviedamiła pra zatrymańnie hramadzianki Biełarusi, jakaja pieradavała KDB infarmacyju pra siabroŭ biełaruskaj dyjaspary. Jak daviedałasia «Lusterka» z ułasnych krynic, havorka idzie pra kolišniuju aktyvistku «Havary praŭdu» Darju Astapienka. U svajoj pracy na KDB jana spjanu pryznałasia sama.

Darja Astapienka na źjeździe «Havary praŭdu» 19 vieraśnia 2020 hoda. Fota: «Havary praŭdu»

Darji Astapienka kala 36 hadoŭ, jana rodam z Baranavičaŭ i pa śpiecyjalnaści vieterynar. Jašče da 2020 hoda dziaŭčyna kantaktavała z roznymi apazicyjnymi palityčnymi arhanizacyjami i partyjami ŭ Biełarusi, cikaviłasia ich dziejnaściu i chacieła ŭ joj udzielničać, prapanoŭvała svaju dapamohu.

U pryvatnaści, takim čynam Astapienka stała siabram kampanii «Havary praŭdu». Jana źjaviłasia ŭ arhanizacyi ŭ 2018-2019 hadach, była naziralnicaj na vybarach, źbirała podpisy, prachodziła adpaviednyja ŭnutranyja navučalnyja treninhi ŭ Biełarusi, jak i inšyja šarahovyja aktyvisty.

Da 2020 hoda dziaŭčyna viarnułasia nazad u Baranavičy, dzie ŭ jaje źjaviłasia ŭłasnaje žyllo. Padčas prezidenckich vybaraŭ jana była kaardynatarkaj «Havary praŭdu» pa zbory podpisaŭ u Baranavičach i Baranavickim rajonie i razam z maleńkaj kamandaj sabrała vielmi šmat — niekalki tysiač podpisaŭ. Paśla jana była davieranaj asobaj kandydata ŭ prezidenty Andreja Dźmitryjeva.

Paśla vybaraŭ Darja jašče niekalki razoŭ źjaŭlałasia ŭ «Havary praŭdu», pabyvała na źjeździe arhanizacyi ŭ Minsku 19 vieraśnia 2020 hoda, ale zatym nijakaha ŭdziełu ŭ jaje spravach nie brała.

U 2023 hodzie Darja pakinuła Biełaruś i, pa źviestkach «Lusterka», z vosieni znachodziłasia ŭ Polščy. Spačatku jana pryjechała ŭ Varšavu, zatym pierajechała ŭ horad Łodź. Tam žyła ŭ roznych znajomych, adčuvała finansavyja ciažkaści, brała hrošy ŭ doŭh, joj dapamahali siabry biełaruskaj dyjaspary.

Jak paviedamili krynicy «Lusterka», Astapienka sprabavała naładžvać kantakty z aktyvistami dyjaspary, praniknuć u viadučyja biełaruskija arhanizacyi ŭ Polščy, prapanoŭvajučy im svaju vałanciorskuju dapamohu, źbirała infarmacyju pra dziejnaść charuhvaŭ paspalitaha rušeńnia Valeryja Sachaščyka, u pryvatnaści ŭ Biełastoku. A taksama pra biełaruskich dobraachvotnikaŭ va Ukrainie i tych, chto akazvaje im dapamohu.

Akramia taho, žančyna viała razmovy pra toje, što treba dziejničać bolš aktyŭna dla źviaržeńnia ŭłady ŭ Biełarusi, a mienavita — siłavym šlacham: prapanoŭvała źbirać zbroju, praryvacca ŭ Biełaruś, zładzić vybuch na biełaruskaj miažy.

U niejki momant Darja, budučy niećviarozaj, sama prahavaryłasia znajomym pra sapraŭdnuju metu jaje aktyŭnaści ŭ Polščy. Paśla hetaha infarmacyju pra jaje pieradali ŭ polskaje ahienctva ŭnutranaj biaśpieki, i ŭ toj ža dzień, 20 śniežnia, jana była zatrymanaja. 

Užo 22 śniežnia sud u Varšavie adpraviŭ dziaŭčynu ŭ SIZA. Pa słovach krynic, u smartfonie Astapienki paśla zatrymańnia znajšli dokazy jaje supracoŭnictva z KDB Biełarusi z 2017 hoda. Jana taksama pierasyłała kurataram usie zdabytyja źviestki, fatahrafii i inšuju infarmacyju, jakuju joj udałosia daviedacca ŭžo ŭ Polščy.

Ciapier abvinavačvańnie Darji Astapienka pradjaŭlena pa č. 1 art. 130 (špijanaž) Kryminalnaha kodeksa Polščy. Joj pahražaje nie mienš za piać hadoŭ pazbaŭleńnia voli. 

Kamientary29

  • ...
    10.01.2024
    Akramia taho, žančyna viała razmovy pra toje, što treba dziejničać bolš aktyŭna dla źviaržeńnia ŭłady ŭ Biełarusi, a mienavita — siłavym šlacham: prapanoŭvała źbirać zbroju, praryvacca ŭ Biełaruś

    Osobo odariennym storońnikam siłovoho osvoboždienija Biełarusi pośviaŝajetsia. Jeśli vaš vrah chočiet ot vas kakoho-to ścienarija, k niemu hotovitsia i prievoschodit vas količiestvom, podhotovkoj i riesursami, nado diełať tak, kak on chočiet, pravda žie? I k čiertu vsie eti słožnyje i nieponiatnyje političieskije diejstvija, kakije-to vstrieči, pieriehovory, pojezdki... Pišut, pišut, konhries kakoj-to, niemcy, hołova puchniet... Otniať vsie i podieliť!
  • Hošik
    10.01.2024
    Eto słučajno nie pornomodiel? Vrodie by jesť takaja rita martin. Tožie vietierinarom była, košatniciej.
  • Pietia
    10.01.2024
    [Red. vydalena]

Ciapier čytajuć

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi8

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi

Usie naviny →
Usie naviny

Hubka dla myćcia posudu — raj dla bakteryj. Što ž rabić, kab nie hubić svajo zdaroŭje?4

Z-repier pryjechaŭ u Sudžu, kab razmalavać budynki antyŭkrainskimi nadpisami. Heta aburyła miascovych žycharoŭ i navat hubiernatara4

U litoŭskim MUS raskrytykavali prapanovy pa novych abmiežavańniach dla biełarusaŭ9

Poźniaje baćkoŭstva moža pahražać zdaroŭju dziciaci4

Volha Niafiodava pryznała, što Kupałaŭski teatr dahetul nie zmoh adnavicca5

USU vyzvalili siało na Łuhanščynie. Apieracyja tryvała 30 hadzin2

«Pa adčuvańniach, chvarejuć usie»: piedyjatr pra situacyju z hrypam u Biełarusi2

Na terytoryi Bresckaj krepaści źjaviłasia futbolnaje pole FOTAFAKT

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona16

bolš čytanych navin
bolš łajkanych navin

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi8

U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi

Hałoŭnaje
Usie naviny →

Zaŭvaha:

 

 

 

 

Zakryć Paviedamić