U piatnicu ŭ Vilni projdzie prezientacyja knihi «Pryhody Dziadzi Vici na Vaładarcy» žurnalista, byłoha palitviaźnia Aleha Hruździłoviča, piša bellit.info.
Aŭtar «Pryhodaŭ» Aleh Hruździłovič i aŭtarka pradmovy Volha Vialička z radaściu adkažuć na ŭsie pytańni. A ŭ prodažy budzie šmat knih biełaruskich vydaviectvaŭ.
Aleh Hruździłovič adbyvaŭ pakarańnie ŭ minskim SIZA na vulicy Vaładarskaha i ŭ kałonii pad Mahilovam, napisaŭ i vydaŭ knihu «Maje turemnyja mury».
Vieršy i malunki pra aryštanta «dziadziu Viciu», što ŭvajšli ŭ hetuju knihu, žurnalist napisaŭ i namalavaŭ na Vaładarcy dla ŭnukaŭ Jevy, Safii, Kastusia, Alaŭciny dy Anatola, ale adtul častka listoŭ nie dajšła na volu praz cenzuru. Pašancavała z akazijaj pieradać «Pryhody dziadzi Vici» z mahiloŭskaha SIZA. Paźniej u kałonii ŭsie listy i rukapisy aŭtara byli źniščanyja. Knihu vydaŭ fond «Kamunikat».
Prezientacyja knihi adbudziecca 27 vieraśnia ŭ 19:00 pa adrasie: Vilnia, Haścioŭnia Biełaruskaj Rady kultury (šv. Ignoto 5-104).
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary