Boty-truby, čopiery, batforty. Jaki abutak modny hetaj vosieńniu

Žakiejskija boty 

Žakiejskija boty taksama majuć nazvu «rydynhi». Histaryčna heta boty dla vierchavoj jazdy. U druhoj pałovie XX stahodździ žakiejskija boty stali modnym atrybutam. Chipi ich nasili z karotkimi sukienkami.

Žakiejskija boty znachodziacca pa-za trendam. Heta kłasičnaja madel, jakaja nie moža syści ŭ antytrendy. Ale jany patrabujuć vyznačanaha stylu ŭ harderobie: strymanaha, kłasičnaha, žanockaha. Jany drenna miksujucca sa sportam i aviersajzam. Zatoje z dapamohaj ich možna lohka stvaryć vobraz karaleŭskaj asoby, jakaja idzie zajmacca vysakarodnaj spravaj — konnym sportam. Nie vypadkova ŭ takich botach časta možna ŭbačyć čalcoŭ anhielskaj karaleŭskaj siamji.

Pavialičyć

Kazaki

Kazaki taksama adnosiacca da abutku, jaki zachoŭvaje aktualnaść i ličycca bazavym, pa-za trendam. Isnuje mnostva varyjacyj kazakoŭ: jarka vyjaŭlenyja, sproščanyja, zamšavyja, z uzorami, skuranyja, vysokija, siarednija, nizkija. I kožny ź ich siońnia aktualny.

Vybirajučy kazaki, treba aryjentavacca na pieravažnuju stylistyku ŭ harderobie: čym bolš minimalistyčny harderob, tym bolš sproščanaj pavinna być madel kazakoŭ.

Darečy, kazaki histaryčna taksama źjaŭlalisia abutkam dla vierchavoj jazdy. Siońnia jany ščylna asacyjujucca z kaŭbojskim abutkam. I sapraŭdy, u 30-ch hadach minułaha stahodździ ich zabrali da siabie ŭ harderob amierykanskija kaŭboi. Z taho času ich asacyjujuć vyklučna sa stylem viestern.

Ale siońnia kazaki možna spałučać z čym zaŭhodna: z kežuałam, žanockaściu i navat dziełavym stylem. Jany ŭnosiać razynačku ŭ luby vobraz.

Pavialičyć

Čopiery 

Čopiery — heta bajkierskija boty z kvadratnym mysam i mietaličnymi detalami pa bakach. Raniej čopiery byli pradmietam harderoba vyklučna motaamataraŭ. Ale paru hadoŭ nazad śfiera mody vyrašyła, što hety brutalny abutak budzie vydatna hladziecca nie tolki z bajkierskim abmundziravańniem, ale i z sukienkami ŭ styli bocha, dy i naohuł sa ŭsimi paŭsiadzionnymi vobrazami.

Niahledziačy na ​​iarka vyjaŭlenuju bajkierskuju stylistyku, čopiery dobra miksujucca ź inšymi stylami ŭ adzieńni. U minułym hodzie ich mnohija nasili z karotkimi spadnicami, sukienkami. U hetym hodzie śpis kłasnych spałučeńniaŭ pašyryli.

U cełym siońnia nazirajecca tendencyja pad nazvaj «teoryja niapravilnaha abutku». Teoryja abviaščaje, što ŭbor hladzicca bolš stylna, kali spałučać jaho z zusim niečakanym abutkam.

Pavialičyć

Boty-truby z vostrym mysam 

Adzin z samych aktualnych varyjantaŭ vosieńskaha abutku ŭ hetym siezonie — boty z šyrokaj chalavaj, što składajecca ŭ harmonik.

Admysłovy šyk — nasić ich, stvarajučy efiekt ałoŭka ŭ šklancy. Heta značyć boty nie pavinny siadzieć zanadta ščylna da halonki. Tolki ŭ takim vypadku hety abutak budzie hladziecca spakojna i stylna.

Takaja madel budzie efiektna spałučacca i z zapraŭlenymi šyrokimi džynsami, i z kałhotkami.

Pavialičyć

Bardovy abutak 

Napeŭna vy čuli ab tym, što ŭ modzie bardovy koler. Navat kali vy nie cikaviciesia modaj, vy napeŭna ŭžo mahli zaŭvažyć zasille bardovych adcieńniaŭ u kramach, na vulicach, u Instagram, Pinterest.

Bardovy, vinny, burhundzi, Gucci Rosso — u hetaha adcieńnia šmat nazvaŭ i interpretacyj. Jon univiersalny, strymany, ale pry hetym akcentny. 

Pavialičyć

Batforty 

I znoŭ nie abyścisia biez pahłybleńnia ŭ historyju. U naš čas batforty ščylna asacyjujucca z 2000-mi, a taksama z adkrytymi i navat pravakacyjnymi žanočymi ŭborami. Ale ŭ XV stahodździ ich nasili mužčyny — jak praviła, vajskoŭcy i tyja, chto jeździŭ viercham. Nie vielmi cnatlivy flor hety abutak zdabyŭ u kancy XIX stahodździa, kali jaho ablubavali žančyny lohkich pavodzin. Ale siońnia batforty całkam sabie štodzionny abutak.

Pavialičyć

Kłasičnyja baciljony

Trendy prychodziać i sychodziać, a kłasičnyja žanočyja batyljony aktualnyja zaŭsiody. Admietnaj rysaj batyljonaŭ źjaŭlajecca abcas i vyšynia krychu vyšej ščykałatki.

U hetym siezonie varta źviarnuć uvahu na varyjant z avalnym mysam, jaki paŭtaraje formu palcaŭ. U takim abutku pavinna być maksimalna kamfortna. Čaho nie skažaš ab baciljonach z vostrym mysam, u jakich čaściakom palcy kryčać ab dapamozie. Ale pryhažość, jak viadoma, patrabuje achviar.

Darečy, pry vybary takoha abutku zvažajcie na abcas. Jon pavinien znachodzicca pasiaredzinie piatki — takim čynam vaha cieła raźmiarkoŭvajecca pravilna i praściej chadzić.

Pavialičyć

Pavialičyć

Čełsi na nievysokaj płatformie 

Čełsi pryjšli ŭ suśvietnuju modu z Anhlii: u pieršaj pałovie XIX stahodździa anhlijski šaviec pasprabavaŭ stvaryć abutak, jaki možna nie zašpilać, a prosta naciahvać na nahu. Vynachodstva ŭsim spadabałasia i pajšło ŭ narod.

Siońnia admietnymi rysami čełsi źjaŭlajucca humovyja ŭstaŭki pa bakach, płoskaja padešva i piatla zzadu.

Kali paru hadoŭ tamu trendam byli čełsi na masiŭnaj traktarnaj padešvie, to sioleta ich dyzajn źlohku supakoiŭsia, staŭ bolš kłasičnym. Vybirajcie čełsi na nievialikaj płatformie, z avalnym abo kvadratnym mysam.

Pavialičyć

• 1
• 6
• 1
• 1
• 0
• 1
• 0
• 0