Pa infarmacyi, jakuju «Naša Niva» atrymała ź niekalkich krynic z teatralnaha koła, akcioraŭ RTBD, jakich raniej zatrymlivali na sutki, zvolnili z teatra.
Jašče ŭ abied 31 kastryčnika ŭ raździele «Asoby» visieli partfolia akcioraŭ Maksima Brahinca, Źmitra Davidoviča i Arcioma Kurenia, ale ciapier ich adtul prybrali.
Na hetym trya trymałasia značnaja častka samych kasavych, papularnych u hledačoŭ śpiektaklaŭ, tamu ŭ teatry praciahvajucca vymušanyja zamieny ŭ repiertuary. Zamianić akcioraŭ paprostu niama kim.
Pra zatrymańnie akcioraŭ RTBD stała viadoma 19 kastryčnika. Paźniej «Naša Niva» daviedałasia, što ich asudzili pa artykule 19.1 KaAP (drobnaje chulihanstva) na sutki. Akramia Davidoviča, Kurenia i Brahinca, zatrymlivali taksama jašče adnu aktrysu, ale paźniej adpuścili da dziciaci.
30 kastryčnika stała viadoma, što akciory vyjšli na volu.
Pad represii trapiła i byłaja kiraŭnica teatra.
Taksama z sajta teatra źnikła partfolia akciora Uładzisłava Nozdryna. Jašče ŭ krasaviku jon razam z žonkaj, taksama aktrysaj teatra, byŭ asudžany da 2 hadoŭ i 6 miesiacaŭ «chatniaj chimii» za «ŭdzieł u dziejańniach, jakija hruba parušajuć hramadski paradak» (č. 1 art. 342 KK).
U teatralnym kole abmiarkoŭvajecca, što čarhovyja čystki roŭnyja źniščeńniu teatra.
Nahadajem, paśla vybaraŭ 2020 hoda z RTBD u znak pratestu zvolnilisia Andrej Novik i Mikałaj Stońka. Illa Jasinski byŭ vymušany źjechać z krainy paśla taho, jak jaho zatrymali na adnym z maršaŭ i złamali pazvanki. Taksama ŭ kancy 2021 hoda z teatra byŭ zvolnieny mastacki kiraŭnik Alaksandr Harcujeŭ, jaki ŭznačalvaŭ RTBD z 2012 hoda. Taksama RTBD pakinuli Alena Bajarova, Maryja Piatrovič, Maryna Zdarankova i Maksim Šyško.
A letam 2024-ha ŭ teatr pryznačyli novuju dyrektarku: na źmienu Śviatłanie Karukinaj pryjšła Śviatłana Navumienka.
«Čaho vam nie chapała? Žyvi — nie chaču!» Pahladzieli «Ekstremisty» — novy śpiektakl «Kupałaŭcaŭ»
«Ty chočaš kazać «my», ale kažaš «jany». Mastačka raskazała, jak šukaje stymuły dla tvorčaści ŭ adryvie ad miesca siły
Hurt Zui vypuskaje pieršy biełaruskamoŭny albom Arka
U Minsku admianili kancert u kłubie «Reaktar». Publičny danos na ich rabiła Bondarava
Kamientary