U teatry praciahvajecca vymušanaja zamiena śpiektaklaŭ: u afišy na hety miesiac amal pałova raniej zapłanavanych pastanovak zamienienaja na inšyja.
Pa infarmacyi krynicy «Našaj Nivy», troch akcioraŭ z asnoŭnaha składu RTBD asudzili na sutki pa artykule 19.1 KaAP (drobnaje chulihanstva) — ich zatrymlivali amal adnačasova ŭ roznych miescach.
Taksama, pa infarmacyi našaha surazmoŭcy, zatrymali adnu z byłych kiraŭnic teatra. Jašče adnu aktrysu zatrymlivali, ale adpuścili da dziciaci.
Siońnia stała viadoma pra čarhovyja rakiroŭki ŭ raskładzie: zapłanavany na 29 kastryčnika śpiektakl «Pačupki» zamianiajuć na «Chatynia». A zamiest śpiektakla «Kaleka z vostrava Inišman» 30 kastryčnika pakažuć «Voś ja i pryjšła!».
Abaznanyja ludzi vykazvajuć zdahadku, što represii ŭ teatry mohuć być źviazanyja z novaj dyrektarkaj: miesca zvolnienaj letam Śviatłany Karukinaj siońnia zajmaje Śviatłana Navumienka.
«Nakolki viedaju, nie asabliva novaja dyrektarka choča pakinuć staryja śpiektakli», — padzialiŭsia adzin z surazmoŭcaŭ.
Pry hetym siarod admienienych śpiektaklaŭ — adny z samych kasavych i papularnych, na niekatoryja ź ich kvitki łavilisia miesiacami. Tamu niekatoryja hledačy byli niezadavolenyja źmienami ŭ afišy i ŭ vyniku ci zdavali, ci pierapradavali svaje kvitki na doŭhačakanyja imprezy.
Paśla 2020 hoda RTBD straciŭ častku viadomych akcioraŭ — tak, Andrej Novik i Mikałaj Stońka zvolnilisia ŭ znak pratestu. Illa Jasinski byŭ vymušany źjechać z krainy paśla taho, jak jaho zatrymali na adnym z maršaŭ i złamali pazvanki. Taksama ŭ kancy 2021 hoda z teatra byŭ zvolnieny mastacki kiraŭnik Alaksandr Harcujeŭ, jaki ŭznačalvaŭ RTBD z 2012 hoda.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary