Usiaho patrochu55

Amierykaniec žadaje vučycca ŭ Biełarusi. Voś što jaho pužaje

17-hadovy žychar ZŠA padzialiŭsia ŭ sacsietcy, što žadaje jechać vučycca… u Biełaruś. Maładoha čałavieka cikavić, nakolki heta biaśpiečna dla jaho — bo jon afraamierykaniec.

Mužčyna, pra jakoha idzie havorka, pakinuŭ adpaviedny dopis u sacsietcy Reddit. Chłopiec piša, što jamu 17 hadoŭ, jon afraamierykaniec i choča pastupić u biełaruski ŭniviersitet. Pry hetym junak zapeŭnivaje, što ŭžo dobra viedaje ruskuju movu.

Adzinaja prablema — toje, što maci chłopca chvalujecca nakont jaho biaśpieki ŭ Biełarusi, dy jon i sam aścierahajecca prajavaŭ rasizmu. Tamu amierykaniec vyrašyŭ spytać u karystalnikaŭ Reddit, ci jość u našaj krainie takaja niebiaśpieka.

U kamientary chłopiec patłumačyŭ, što pieršapačatkova chacieŭ vučycca ŭ Rasii, ale hetaja mahčymaść dla jaho niedastupnaja «z-za kanfliktaŭ vakoł jaje». Nastupnymi varyjantami dla amierykanca byli Biełaruś, Kazachstan i Estonija — jon taksama razhladaŭ i Ukrainu, ale razumieje, što i hety varyjant ciapier niemahčymy. 

Chłopiec piša, što prosta chacieŭ by dakranucca da słavianskaj kultury i ŭzajemadziejničać ź ludźmi mirnym čynam. Vierahodna, amierykaniec nie vyvučaŭ temu padrabiazna, tamu nie viedaje, što Kazachstan i Estonija — heta nie słavianskija krainy, chacia tam i jość ruskamoŭnaje nasielnictva. Jamu padkazali ŭ kamientarach, što nie varta jechać pa mirnuju kamunikacyju ŭ krainu, dzie ŭ 2024 hodzie pracujuć sapraŭdnyja milicyja i KDB.

Amierykancu taksama napisali, što biełaruskaja vyšejšaja adukacyja maje nievialikuju vartaść u paraŭnańni z zachodnimi ŭniviersitetami. A kali chočacca pavučycca ŭ słavianskaj krainie, možna pajechać u Polšču, Čechiju, Charvatyju, Słavakiju ci Słavieniju, to-bok u adnu sa słavianskich krain Jeŭrasajuza.

Što da rasizmu, chłopcu patłumačyli, što jaho rasa nie zastaniecca niezaŭvažanaj u Biełarusi. «Ludzi buduć adkryta žartavać pa-rasiscku, ale vakoł vas buduć i dobryja ludzi, chacia ich anhlijskaja mova abmiežavanaja», — papiaredžvaje adzin z čytačoŭ.

Ale sprava nie tolki ŭ hetym, jak piša adzin z kamientataraŭ:

«U mianie jość ciemnaskury siabar, jaki naradziŭsia i vyras u Biełarusi. Palicyja źbivała jaho, jak i ŭsich astatnich, tak što tut spačatku treba dumać nie pra rasizm, a pra svabodu. Ludzi buduć adpuskać kamientary pra vas i prajaŭlać cikaŭnaść (hladzieć na vas ci pavodzić siabie dziŭna), bo vy budziecie vyłučacca».

«Naša Niva» — bastyjon biełaruščyny

PADTRYMAĆ

Kamientary5

  • Chiech
    14.11.2024
    [Red. vydalena]
  • babrujčanin
    14.11.2024
    Amerynski advakat Zienkovič był upeŭnien u 6- 7fłocie jaki za im pryšluć
  • chtości
    14.11.2024
    [Red. vydalena]

Ciapier čytajuć

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia4

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Usie naviny →
Usie naviny

Francyja viartaje Madahaskaru čerap miascovaha karala, jakomu adsiekli hałavu 128 hadoŭ tamu

Biełaruskaja čyhunka źbirajecca zamović u Stadler 65 ciahnikoŭ. Ale šviejcarcy kazali, što zavod u Fanipali staić biez pracy6

U rasijskaj siamji, dzie maci pamierła na mahile ŭdzielnika vajny va Ukrainie, praciahnuŭsia łancužok śmierciaŭ7

Handlovaja palityka Donalda Trampa prymušaje zbližacca Indyju i Kitaj1

«Zub nie brali, bo adsutničała hałava». Sudmiedekśpierty raskazali, jak identyfikujuć viernutyja Rasijaj cieły ŭkrainskich vajskoŭcaŭ

«Stahodździe prynižeńnia» Jeŭropy moža tolki pačynacca — Politico9

Łukašenka nakarmiŭ ministra sielskaj haspadarki morkvaj7

«Jany horšyja za francuzaŭ, my trapili z ahniu dy ŭ połymia». Jak «Vahnier» pravaliŭsia ŭ Mali5

Rasija padbiła adzin z vajskovych karabloŭ Ukrainy

bolš čytanych navin
bolš łajkanych navin

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia4

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić