Zdaroŭje11

Navukoŭcy znajšli tłumačeńnie «tumanu ŭ hałavie» paśla kavidu

Krynicaj raspaŭsiudžanaha post-kavidnaha sindromu, jaki vyklikaje ciažkaści z kancentracyjaj uvahi, drennuju pamiać, a taksama źnižeńnie mientalnaj jasnaści i pradukcyjnaści, akazałasia zusim nie hałava i nie niervovaja sistema čałavieka, paviedamlaje kamanda amierykanskich navukoŭcaŭ. Voś u čym asnoŭnaja pryčyna.

Fota: «Naša Niva»

Paśla pieraniesienaha karanavirusu mnohija ludzi sutykajucca z tak zvanym «tumanam u hałavie» — stanam, jaki charaktaryzujecca źnižeńniem kancentracyi, biazładnaściu dumak, niapamiatlivaściu, stomlenaściu, źmienaj u adčuvańni pachaŭ i smaku, bolami ŭ sustavach abo ciahlicach, zadyškaj i mnohim inšym.

Kamanda navukoŭcaŭ z Radyjałahičnaha tavarystva Paŭnočnaj Amieryki (RSNA) praviała daśledavańnie, u jakim analizavała stan pacyjentaŭ z praciahłymi simptomami Covid-19 pry dapamozie MRT. Asablivaja ŭvaha nadavałasia kahnityŭnym parušeńniam, jakija ŭ niekatorych ludziej zachoŭvajucca na praciahu niekalkich tydniaŭ, a ŭ inšych — miesiacaŭ ci navat hadoŭ paśla zaražeńnia kavidam.

U ramkach daśledavańnia 12 darosłych pacyjentaŭ (mužčyn i žančyn) prajšli MRT lohkich i funkcyjanalnuju MRT hałaŭnoha mozhu, a taksama inšyja kahnityŭnyja testy (aŭtary dakładu adznačajuć, što mietad adnačasovaha paraŭnalnaha MRT-analizu lohkich i hałoŭnaha mozhu dahetul nidzie nie ładziŭsia).

Vyniki analizu pakazali, što va ŭsich pacyjentaŭ, što pakutujuć ad «tumana ŭ hałavie», byŭ źnižany hazavy abmien u lohkich i ad taho pavyšany mazhavy kryvazvarot. U ludziej sa źnižanym hazavym abmienam naziralisia kahnityŭnyja parušeńni i pamienšany abjom šeraha i biełaha rečyvaŭ u hałaŭnym mozhu (inšymi słovami, adbyvajecca lohkaje kisłarodnaje haładańnie mozhu).

«Źnižeńnie hazavaha abmienu ŭ lohkich u vyniku ich paškodžańnia karanavirusam pryvodzić da bolš vysokaj aktyŭnaści serca i bolš vysokaj pierfuzii (kryvazvarotu) mozhu», — adznačajuć aŭtary daśledavańnia.

Navukoŭcy padkreślivajuć, što pacyjentam z takimi simptomami nieabchodnyja dadatkovaje abśledavańnie i lačeńnie, kab praduchilić raźvićcio bolš surjoznych uskładnieńniaŭ u doŭhaterminovaj pierśpiektyvie.

Kamientary1

  • Bienia
    30.11.2024
    Na udivlenije sieŕjeznaja staťja.

Ciapier čytajuć

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć5

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć

Usie naviny →
Usie naviny

50 tysiač dalaraŭ za kvitki: biełaruska nie moža trapić na lačeńnie ŭ Kitaj praz šalony ceńnik avijakampanii9

Stryminhavyja hihanty robiać staŭku na YouTube-zorak

Isłandskaja ministarka pa spravach dziaciej pajšła ŭ adstaŭku, bo naradziła ad niepaŭnaletniaha8

Hałoŭčanka nie bačyć prykmiet pierahrevu ekanomiki3

U MARH raskazali, jak u Biełarusi źmienicca rehulavańnie cen

U Breście za ŭdzieł u pratestach asudzili viadomaha lohkaatleta

Što z prajektam pašparta Novaj Biełarusi?26

Polskija pamiežniki pakazali, jak mihranty sprabujuć pieraadoleć na miažy padvojenuju pieraškodu VIDEA2

Na froncie va Ukrainie źnik bieź viestak jašče adzin biełarus, jaki pavajavaŭ na baku Rasii miesiac3

bolš čytanych navin
bolš łajkanych navin

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć5

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić