Siarhiej Bulba vinavacić u arendnych prablemach svajoj arhanizacyi minułaje kiraŭnictva. Toje ŭsio admaŭlaje
29 listapada źjaviłasia infarmacyja, što ŭ varšaŭskaj prastory «Robim razam», jakuju ŭznačalvaje Siarhiej Bulba, uźnikli prablemy z arendaj pamiaškańnia ŭ centry horada. U razmovie z žurnalistam telekanała «Biełsat» Bulba paćvierdziŭ, što ŭłady Varšavy sapraŭdy pakul nie chočuć padpisvać novuju damovu ab arendzie, ale admaŭlaje, što ŭ hetym jość niejkaja jahonaja vina.
Pavodle Siarhieja Bulby, prablemy z praciaham arendy ŭźnikajuć tamu, što «nadta bahata minułaje kiraŭnictva praviało prapahandy». Maŭlaŭ, jano pastajanna skardzicca ŭładam na nibyta niametavaje vykarystańnie pamiaškańnia. Prytym nie razabracca, chto mienavita piša skarhi, bo zakanadaŭstva ab achovie piersanalnych źviestak nie dazvalaje čynoŭnikam heta raskryvać.
Tym nie mienš, kančatkova horad jašče nie admoviŭ, tamu zastajucca nadziei na novuju damovu arendy:
«Padrychtavali poŭny pakiet dakumientacyi, kolki my zładzili ŭsiaho za hety čas, 47 arkušaŭ atrymałasia, sabrali podpisy, pad tysiaču podpisaŭ pieradali ŭ našu padtrymku — zvyčajnych ludziej, jakija zachodzili da nas. Usio ŭ takim pieramoŭnym pracesie. Jašče budzie sustreča z haradskimi ŭładami».
Pakul ža vyzvalać pamiaškańnie jon nie źbirajecca, prynamsi «pakul usie papiarovyja spravy, to i Novy hod płanujem śviatkavać tut».
U toj ža čas minuły kiraŭnik jurydyčnaj asoby Białoruski Młodzieżowy Hub (mienavita joj naležyć prastora «Robim razam») Aleś Łapko zapeŭniŭ karespandenta «Biełsata», što anijakaha dačynieńnia da pieraśledu toj arhanizacyi jon nie maje, bo jamu, maŭlaŭ, i biez taho jość čym zaniacca — raźvićciom novaj biełaruskaj prastory na vulicy Dažynkovaj.
Va ŭźnikłych ža prablemach Łapko vinavacić samoha Siarhieja Bulbu, bo jon, maŭlaŭ, «zahnaŭ paśpiachovuju arhanizacyju ŭ daŭhi».
Biełaruski moładzievy chab u Varšavie akazaŭsia ŭ centry skandału ŭ žniŭni letaś. Tady ŭstanovu ŭznačaliŭ Siarhiej Bulba, jaki zajaŭlaŭ, što źmiena kiraŭnictva adbyłasia całkam zakonna. Aleś Łapko, jaki kiravaŭ chabam, nazyvaŭ tyja padziei rejdarskim zachopam.
Paźniej na płoščy Kanstytucyi ŭ Varšavie paŭstała prastora «Robim razam», a Łapko zasnavaŭ novuju jurydyčnuju asobu, Belarusian Youth Hub, i stary-novy Biełaruski moładzievy chab pačaŭ pracu na Dažynkovaj vulicy ŭ varšaŭskim rajonie Makotaŭ.
Inicyjatyvu Siarhieja Bulby vysialajuć z pamiaškańnia ŭ centry Varšavy
Pamiatajecie vajnu ź Biełaruskim moładzievym chabam u Varšavie? Daviedalisia, što tam adbyvajecca ciapier
Fantazija Bulby: Cichanoŭskaja nie rupicca za vyzvaleńnie Bialackaha, bo ź jaho buduć vyroščvać novaha lidara apazicyi
«Paspalitaje rušeńnie» ŭznačaliŭ kolišni zasnavalnik «Biełaha lehijonu»
Prajekt Siarhieja Čysłava (Bulby) pryznali «ekstremisckim farmavańniem»
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary
Byłoho Marzaluka tady zrabicie zamiest spadara Bulby dyrektaram emihracyjnaha doma kultury i hamon svarkam