Сяргей Бульба вінаваціць у арэндных праблемах сваёй арганізацыі мінулае кіраўніцтва. Тое ўсё адмаўляе
29 лістапада з'явілася інфармацыя, што ў варшаўскай прасторы «Робім разам», якую ўзначальвае Сяргей Бульба, узніклі праблемы з арэндай памяшкання ў цэнтры горада. У размове з журналістам тэлеканала «Белсат» Бульба пацвердзіў, што ўлады Варшавы сапраўды пакуль не хочуць падпісваць новую дамову аб арэндзе, але адмаўляе, што ў гэтым ёсць нейкая ягоная віна.
Паводле Сяргея Бульбы, праблемы з працягам арэнды ўзнікаюць таму, што «надта багата мінулае кіраўніцтва правяло прапаганды». Маўляў, яно пастаянна скардзіцца ўладам на нібыта нямэтавае выкарыстанне памяшкання. Прытым не разабрацца, хто менавіта піша скаргі, бо заканадаўства аб ахове персанальных звестак не дазваляе чыноўнікам гэта раскрываць.
Тым не менш, канчаткова горад яшчэ не адмовіў, таму застаюцца надзеі на новую дамову арэнды:
«Падрыхтавалі поўны пакет дакументацыі, колькі мы зладзілі ўсяго за гэты час, 47 аркушаў атрымалася, сабралі подпісы, пад тысячу подпісаў перадалі ў нашу падтрымку — звычайных людзей, якія заходзілі да нас. Усё ў такім перамоўным працэсе. Яшчэ будзе сустрэча з гарадскімі ўладамі».
Пакуль жа вызваляць памяшканне ён не збіраецца, прынамсі «пакуль усе папяровыя справы, то і Новы год плануем святкаваць тут».
У той жа час мінулы кіраўнік юрыдычнай асобы Białoruski Młodzieżowy Hub (менавіта ёй належыць прастора «Робім разам») Алесь Лапко запэўніў карэспандэнта «Белсата», што аніякага дачынення да пераследу той арганізацыі ён не мае, бо яму, маўляў, і без таго ёсць чым заняцца — развіццём новай беларускай прасторы на вуліцы Дажынковай.
Ва ўзніклых жа праблемах Лапко вінаваціць самога Сяргея Бульбу, бо ён, маўляў, «загнаў паспяховую арганізацыю ў даўгі».
Беларускі моладзевы хаб у Варшаве аказаўся ў цэнтры скандалу ў жніўні летась. Тады ўстанову ўзначаліў Сяргей Бульба, які заяўляў, што змена кіраўніцтва адбылася цалкам законна. Алесь Лапко, які кіраваў хабам, называў тыя падзеі рэйдарскім захопам.
Пазней на плошчы Канстытуцыі ў Варшаве паўстала прастора «Робім разам», а Лапко заснаваў новую юрыдычную асобу, Belarusian Youth Hub, і стары-новы Беларускі моладзевы хаб пачаў працу на Дажынковай вуліцы ў варшаўскім раёне Макотаў.
Ініцыятыву Сяргея Бульбы высяляюць з памяшкання ў цэнтры Варшавы
Памятаеце вайну з Беларускім моладзевым хабам у Варшаве? Даведаліся, што там адбываецца цяпер
Фантазія Бульбы: Ціханоўская не рупіцца за вызваленне Бяляцкага, бо з яго будуць вырошчваць новага лідара апазіцыі
«Паспалітае рушэнне» ўзначаліў колішні заснавальнік «Белага легіёну»
Праект Сяргея Чыслава (Бульбы) прызналі «экстрэмісцкім фармаваннем»
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Былого Марзалюка тады зрабіце замест спадара Бульбы дырэктарам эміграцыйнага дома культуры і гамон сваркам