Stała viadoma, čym zaraz zajmajecca były ministr zamiežnych spraŭ Ukrainy Kuleba
Były kiraŭnik MZS Ukrainy Dźmitryj Kuleba pracaŭładkavaŭsia ŭ ZŠA paśla adstaŭki, staŭšy staršym navukovym supracoŭnikam u Harvardskim univiersitecie.
«Spadar Kuleba byŭ adnym z najbolš prykmietnych i efiektyŭnych členaŭ kamandy prezidenta Uładzimira Zialenskaha z pačatku rasijskaha ŭvarvańnia va Ukrainu. Samy małady ministr zamiežnych spraŭ u historyi Ukrainy, jon vioŭ ukrainskuju dypłamatyju ŭ samyja ciažkija časy rasijskaj ahresii. Jon adyhraŭ klučavuju rolu ŭ stvareńni aljansaŭ, zabieśpiačeńni zbrojaj, uviadzieńni sankcyj, prasoŭvańni zajaŭki Ukrainy na ŭstupleńnie ŭ ES i NATA i pašyreńni suviaziaŭ z Afrykaj, Azijaj i Łacinskaj Amierykaj», — havorycca na sajcie Centra pa navucy i mižnarodnych adnosinach imia Biełfara pry Škole kiravańnia imia Džona Kienedzi Harvardskaha ŭniviersiteta.
Kuleba byŭ ministram zamiežnych spraŭ Ukrainy z sakavika 2020 pa vierasień 2024 hoda, zaraz MZS Ukrainy kiruje Andrej Sibiha.
Kamientary