Siryjskija apazicyjnyja siły zachapili Dejr-ez-Zor na ŭschodzie krainy
Heta treci za tydzień horad u krainie, nad jakim režym Bašara Asada straciŭ kantrol.
Siryjskija demakratyčnyja siły (SDS), viadučuju rolu ŭ jakoj adyhryvajuć kurdskija ŭzbrojenyja farmavańni, u piatnicu ŭstanaviła kantrol nad horadam Dejr-ez-Zor na ŭschodzie krainy i, tym samym, nad najvažniejšym pamiežnym pierachodam pamiž Siryjaj i Irakam, paviedamlaje Hołas Amieryki.
Dvoje supracoŭnikaŭ śpiecsłužbaŭ paviedamili, što apoŭdni da poŭdnia piatnicy Siryjskija demakratyčnyja siły (SDS) užo kantralavali horad — treci za tydzień horad u krainie, nad jakim straciŭ kantrol režym Bašara Asada.
Siryjskija demakratyčnyja siły taksama ažyćciavili praryŭ praz najbližejšy pamiežny punkt Albu-Kamal na miažy ź Irakam, paviedamili Reuters dźvie krynicy ŭ siryjskaj armii.
Pačynajučy z 2011 hoda, Dejr-ez-Zor niekalki razoŭ pierachodziŭ z ruk u ruki. Spačatku jon pierajšoŭ pad kantrol paŭstancaŭ, a zatym, u 2014 hodzie, byŭ zachopleny bajevikami «Isłamskaj dziaržavy, paśla siryjskaja armija, jakuju padtrymlivali irakskija hrupoŭki, znoŭ zachapiła jaho ŭ 2017 hodzie i ŭtrymlivała da siońniašniaha dnia.
Prasoŭvańnie SDS adbyłosia adnačasova z nastupam na centralny horad Choms inšaj hrupoŭki siryjskich paŭstancaŭ na čale z «Chajat Tachryr aš-Šam«, pierš źviazanaj z «Al-Kajdaj». Na minułym tydni hetaja hrupoŭka zachapiła Alepa, a ŭ pačatku hetaha tydnia — Chamu, naniosšy najbujniejšuju parazu ŭradavym vojskam za apošnija hady.
Kiraŭnik SDS Mazłum Abdzi zajaviŭ žurnalistam, što jaho siły «majuć kanały suviazi» z «Chajat Tachryr aš-Šam», u pryvatnaści — dla abarony kurdaŭ, jakija pražyvajuć u Alepa.
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary