Stała viadoma, za što pasadzili na čatyry hady žurnalistku Volhu Radzivonavu
Na minułym tydni Volhu Radzivonavu asudzili na čatyry hady kałonii. Hienprakuratura raskazała, za što jana była asudžana.
Hienprakrutara paviedamlaje, što Volha padrychtavała i pradastaviła niamieckaj štodzionnaj haziecie «Die Tageszeitung» šerah artykułaŭ z vykazvańniami, «nakiravanymi na raspalvańnie nacyjanalnaj i sacyjalnaj varožaści, dyskredytacyju Respubliki, a taksama paklop i abrazy ŭ dačynieńni da Łukašenki».
«Artykuły Radzivonavaj apublikavanyja ŭ volnym dostupie dla ŭsieahulnaha ahladu na staroncy internet-resursu nazvanaj štodzionnaj haziety. Na padstavie pradstaŭlenych dziaržaŭnym abvinavaŭcam dokazaŭ Minski haradski sud pastanaviŭ abvinavaŭčy prysud. Na padstavie č. 1 art.130, č. 1 art. 368, art. 369-1, č. 2 art. 367 Kryminalnaha kodeksa Radzivonavaj pryznačana pakarańnie — 4 hady sa štrafam u pamiery 100 bazavych vieličyń (4 tys. rubloŭ). Adnačasova z abvinavačanaj spahnany dachod, atrymany złačynnym šlacham», — havorycca ŭ paviedamleńni Hienprakuratury.
Volhu Radzivonavu zatrymali 7 sakavika 2024 hoda.
Chvoraja maci Volhi Radzivonavaj, jakoj bolš za 80 hadoŭ, maje patrebu ŭ pastajannym dohladzie.
Volha pracavała da 2020 hoda ŭ KYKY.org, pieravažna dla rubryki «Bol», taksama supracoŭničała ŭ jakaści fryłansierki ź biełaruskimi i zamiežnymi miedyja.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary