Na adnym ź japonskich błohaŭ zaŭvažyli źniknieńnie trevieł-błohiera Ether2Kly. Mahčyma, heta toj samy japoniec, pra zatrymańnie jakoha ŭ Biełarusi paviedamili japonskija ŭłady, piša Reform.news.
Ether2Kly padarožničaje pa śviecie i raspaviadaje ab miascovym transparcie i infrastruktury. U apisańni błoha pakazana, što «Eteru» zachaplajecca japonskaj poštaj i čyhunkami za miažoj.
1 śniežnia ŭ błohu Ether2Kly byli apublikavanyja fota viaskovych damoŭ, vielmi padobnych da draŭlanych damoŭ u Biełarusi.
«Stary dom u styli byłoha Savieckaha Sajuza: draŭlany, časta jarka afarbavany», — padpisaŭ fota błohier.
Za 1 śniežnia jość jašče niekalki paviedamleńniaŭ, a zatym akaŭnty błohiera zmoŭkli.
旧ソ連の一軒家、木造でカラフルがち pic.twitter.com/ayjWA3NecT
Mienavita 1 śniežnia supolnaść čyhunačnikaŭ Biełarusi paviedamiła ab zatrymańni japonskaha hramadzianina za fota aŭtadarožnaha mosta nad čyhunačnymi šlachami ŭ Homielskaj vobłaści. 17 śniežnia japonskaje pasolstva ŭ Biełarusi aficyjna paćvierdziła zatrymańnie svajho druhoha hramadzianina. 16 śniežnia MZS Biełarusi apaviaściła ambasadu ab zatrymańni hramadzianina Japonii.
«Eteru» vioŭ svoj błoh ad imia dziaŭčyny, choć u paviedamleńniach ŚMI było paznačana, što zatrymany japoniec-mužčyna. Dla padpisčykaŭ japonskaha błoha poł «Eteru» staŭ niečakanaściu.
Kamientary
Japoniec prijezžajet po bieźvizu v rb, fotajet dla błoha archaičnyje pojezda.
Hebnia łovit očieriednoho «špiona» i połučajet miedalki.
Klijent marinujetsia v sizo do nužnoj stiepieni sohłasija.