Tramp niezadavoleny, što padčas jahonaj inaŭhuracyi dziaržaŭnyja ściahi buduć pryspuščanyja
3 studzienia abrany prezident ZŠA Donald Tramp vykazaŭ rasčaravańnie tym, što amierykanskija ściahi padčas jahonaj inaŭhuracyi 20 studzienia buduć pryspuščanyja, piša «Hołas Amieryki». Tak u Amierycy tradycyjna robicca na 30 dzion, kali pamiraje były prezident ZŠA, a 29 śniežnia nie stała 100-hadovaha Džymi Kartera.
Donald Tramp, jaki abjaviŭ pra namier naviedać paminalnuju słužbu pa Džymi Karteru ŭ Vašynhtonie 9 studzienia, 3 studzienia ŭ svaim paviedamleńni na sajcie Truth Social vykazaŭ niezadavolenaść tym, što ściahi zastanucca ŭ žałobnym stanoviščy padčas cyrymonii pryviadzieńnia jaho da prysiahi.
«Demakraty ŭsie «ŭ zachapleńni» ad taho, što naš cudoŭny amierykanski ściah moža być «spuščany» padčas majoj inaŭhuracyi», — skazaŭ Tramp, vykarystoŭvajučy termin dla abaznačeńnia pryspuščanaha stanovišča ściaha na karabli.
«Jany dumajuć, što heta tak vydatna, i tak radyja hetamu, tamu što na samoj spravie jany nie lubiać našu krainu, jany dumajuć tolki pra siabie», — padkreśliŭ Tramp i dadaŭ, što praź śmierć Kartera na minułym tydni amierykanski ściah «upieršyniu ŭ historyi padčas inaŭhuracyi budučaha prezidenta budzie pryspuščany».
«Nichto nie choča hetaha bačyć, i nivodzin amierykaniec nie moža być rady hetamu. Pahladzim, što z hetaha atrymajecca», — skazaŭ na zakančeńnie jon.
Pres-sakratarka Biełaha doma Karyn Žan-Pjer zajaviła, što Bieły dom nie płanuje pierahladać svajo rašeńnie.
Raniej u svaim poście adrazu paśla śmierci Kartera Donald Tramp zajaviŭ, što jon «kateharyčna nie zhadžaŭsia» z Karteram «pa-fiłasofsku i palityčna», ale ŭ toj ža čas pryznaŭ, što były prezident ZŠA, jaki kiravaŭ u 1977—1981 hadach, «pa-sapraŭdnamu lubiŭ i pavažaŭ našu krainu i ŭsio, za što jana vystupaje».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary