Na nastupnym tydni praciahniecca ciopłaja zima, siaredniaja tempieratura na 4-7° C vyšejšaja za siaredniuju, raspavioŭ sinoptyk Dźmitryj Rabaŭ. Studzień budzie nibyta sakavik.
U pačatku tydnia budzie bieź istotnych apadkaŭ. Nočču i ranicaj miescami słaby tuman. Viecier paŭdniova-ŭschodni, umierany. Tempieratura ŭnačy -1… + 5°C. Udzień u paniadziełak ad +4 da +7°C, u aŭtorak +5…+9°C.
Bližej da siaredziny tydnia ŭ bolšaści rajonaŭ projduć apadki. Nočču i ranicaj tuman, słaby hałalod, na darohach miescami hałalodzica. Unačy ŭ sieradu +1 … + 6°C, u dzionnyja hadziny ad + 6 da + 11°C.
Papiarednie, u pačatku druhoj pałovy tydnia ŭmovy nadvorja stanie farmiravać vobłaść vysokaha atmaśfiernaha cisku i małaaktyŭny atmaśfierny front. Łakalna projduć nievialikija karotkačasovyja apadki. Viecier pieramiennych napramkaŭ, umierany. Vilhotnaść da 80%. Nočču 0 … +5°C, dniom u čaćvier + 5…+8°C, u piatnicu trochi chaładniej — ad + 1 da + 5°C.
U pieršyja vychodnyja lutaha na nadvorje adabjecca ŭpłyŭ antycykłonu z centram nad Rumynijaj, čakajecca bieź istotnych apadkaŭ.
Viecier zachodni, paŭdniova-zachodni, umierany. Nočču i ranicaj miescami tuman. Nočču kala 0°C, u siaredzinie dnia ŭ subotu da +3°C, u niadzielu da +2°C.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary