Pavodle siabroŭ i znajomych, Aleh Supruniuk pierastaŭ adkazvać na telefanavańni paśla 22 studzienia. Nie źjaŭlajecca žurnalist i ŭ sacyjalnych sietkach, piša BAŽ.
Spačatku kalehi prytrymlivalisia viersii, što jon moža być zatrymany i asudžany pa administracyjnaj spravie. Ale prajšło ŭžo bolš za 20 dzion, a ŭ raskładach pracy bresckich sudoŭ imia Aleha Supruniuka tak i nie źjaviłasia.
Tamu jość vierahodnaść, što jon nasamreč zatrymany, ale ŭ miežach kryminalnaj spravy.
Padobnym čynam brescki žurnalist byŭ zatrymany ŭviečary 6 lipienia 2021 hoda. Tady doma ŭ Aleha Supruniuka praviali pieratrus, zabrali kampjutarnuju techniku i inšyja ličbavyja nośbity. Da nastupnaj ranicy nichto ničoha nie viedaŭ pra dalejšy los zatrymanaha. Nazaŭtra Supruniuka sudzili za raspaŭsiud «ekstremisckaj infarmacyi» pa č. 2 art. 19.11 KaAP i aštrafavali na 20 bazavych vieličyń. Paźniej stała viadoma, što ŭ tyja lipieńskija dni siłaviki ładzili «naloty» na pradstaŭnikoŭ niezaležnych ŚMI pa ŭsioj Biełarusi.
U žniŭni 2021 hoda Aleh Supruniuk sprabavaŭ abskardzić rašeńnie suda Leninskaha rajona Bresta nakont štrafu, adstojvajučy svaju nievinavataść. Ale Brescki abłasny sud pakinuŭ rašeńnie suda pieršaj instancyi ŭ sile, a apielacyjnuju skarhu bresckaha žurnalista — biez zadavalnieńnia.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Kamientary